I Samuel 15:3 - Labrador Inuttitut Heritage Bible

³ Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:3 Iomraidhean Croise

Genesis 36:12

Elifasiblo Esauib erningata panervgarivâ Timna; tâpsoma Amalek erniarivâ Elifasemut. Tâpkoangovut Adab kinguvângit Esauib nuliangata.

II Samuel 1:8

Tapsomalo oᴋautivânga: Kinauvît? Oᴋautivara: Amalekitereôvunga.

Exodus 17:14

Nâlekablo Mosese oᴋautivâ: Tamanna erᴋaumajaurᴋovlugo aglaguk aglangnut makperterpaktunut, Josuablo siutîgingnut unipkautigiuk Amalekib erᴋaumajauninga nungutidlaromagapko ᴋilaub atânit.

Exodus 20:5

Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:

Numbers 24:20

Amalekullo takonârlugit, imgerutine isuᴋsivâ oᴋarlunelo: Amalek sivorlerpaulauᴋpoᴋ inôᴋatigêksoarnit, kinguvângille nungutaujomârput.

Numbers 31:17

Taimaimat mâna angutiarsuit tamaita sorutsit akorngane toᴋorarsigik, arnallo tamaita ilisimajut anguniarnermik toᴋorarsigik.

Josua 10:39

Salagilaitalo attaningat iglugasaksoaᴋotingillo illunaita illaliudlugit, ullimarpaillo tarnit illunaita tapkonanelauktut, amiakoᴋarᴋojingilarlo nallianik. Sorlo Hebron pinniarvigilaungmagit, taimak Debire attanningallo pinniarvigivaittauk, sorlo Libna attaningallo pinniarvigilaungmagit.

I Samuel 14:48

Sorsuktuksoarniglo kattimgajunik âᴋiksoivok, ullimarlugillo Amalekiterit, Israelitillo piulivait illunatik kappiasuktitsijut tapkoninga agganginit.

I Samuel 15:18

Nalekablo tillilaukpâtit apᴋosinermut, oᴋarlunelo: Ailerit idluitullijullo Amalekiterit nungukit, sorsugvigilugillo nungutsiᴋârtinak taipkoninga.

I Samuel 15:9

Saulible innuksuillo Agag nikkagivât, saugatsiallo, tuktuvaillo ᴋuinijut, saugârkallo, illunaitalo ânanaujut, nungutsomalaungilaillo; ᴋannoêtulle piungitullo, tamakkoa nungupait.

I Samuel 22:19

Ajochertuijullo iglugasaksoangit Nobemik attiggit ullimârpait saviksub kênanganut, tamarmik angutit arnallo, sorrutsillo, amâmaktullo, tuktuvait siuteᴋoktôjullo, saukallo.

I Samuel 27:9

Davidible nuna sâlagingmago, angutillonêt arnallonêt innôᴋolaungilait, saukallo tuktuvaillo, siuteᴋoktôjullo, Kamêlillo, anorâllo tiguvait uttermilunelo, tikkilunelo Achisemut.

I Samuel 30:17

Davidiblo ullimarpait allajalernermit uvlub aipangata unnunga tikkilugo, ᴋemâjokalaungimat attautsemiglonêt, angutit inuosuktut 400 dit assinginik, Kamelinut ikkisâdlartut ᴋemâlutiglo.