I Samuel 15:23 - Labrador Inuttitut Heritage Bible

²³ Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 15:23 Iomraidhean Croise

Genesis 31:19

Labanele aularsimavoᴋ, saugaᴋotine sallijartorlugit; Raheliblo tiglikpait atâtame gûdingoaᴋotingit.

Genesis 31:34

Rahelible gûdingoat tigulugit kamêliblo iksivautaᴋtanganut illivlugit iksivavigingmagit, Labanib tuppeᴋ ilûnât tapsikârpâ tapsêsinanelo.

II Samuel 12:9

Sôgle tagva Nalekab oᴋausingit nachogilaukpigit, idluitoâlungmik taimaitomik pinniaravit tapsoma ijikita sângangne? Uria Hetitere ullimarlaukpat saviksoarmut; nullianga tigulaukpat nulliarilugo, taimnale toᴋᴋolaukpat Ammonib ᴋittorngangita saviksoangagut.

II Samuel 7:15

Napkiningnerale pêrtaujuksaungilak taipsomangat, sorlo pêrlaurapko Saulemit, sivunerne pêjarlauktara.

I Kronika 10:13

Taimâk Saule toᴋovok, idluitullinine pivlugit, Nalekamut idluitullijutigilauktane, Nalekab oᴋausinginut, nâlaktaulaungitunut tapsomunga; taimaglotauk angakut apperingmagit.

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

Hiobe 34:37

“Ajornerminut illautitsivok idluitullinermik, aggane pattaktorpait akkonaptingne, oᴋautsinelo unuktôtipait Gûde akkerartorlugo.”

Imgerut 107:11

Gûdib ôᴋausingit nâlalaunginamigit, ᴋotsingnerpângojublo attannertuininga nachogilauramitsuk;

Exodus 22:18

Arnak angakkok inôrᴋojaksarilungilat.

Jesaiase 19:3

Egiptenemiullo maksoaningat pêromârpoᴋ illunginit, kajusimaningillo nungutitsomavakka. Tagva Gûdingoat appertsoromârpait nallautainerluktullo angakkullo pijomârtuksaniglo oᴋasôngojut.

Jesaiase 8:19

Imâglo oᴋauseᴋarpatta illipsingnut: Angakkullo nallautainerluktullo nipjârtut, issivsortut apperijartorsigik! — ajornarpoᴋ. Nunaᴋatigêt appertsoriaᴋangilât Gûdemingnik? Inôjut pivlugit toᴋungajut apperijartorlugit pijuksauvitâ?

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 28:16

Tamanna pivlugo Nâlagaᴋ oᴋarpoᴋ imâk: Ahâk, nunab ᴋânganit pêjaromavagit; jâreme tamattomane toᴋojuksauvotit, oᴋâlasimagavit tappatonermik Nâlakamut.

Jeremia 29:32

Tamanna pivlugo imâk oᴋarpoᴋ Nâlagaᴋ: Ahâk, Semaia Nehelamioᴋ kinguvângillo sugiaromavakka; amiakoᴋartuksaungilaᴋ inuit makkoa akorngane nunaᴋartomik, takojuksaungilarlônêt ajungitomik piniarutigijomajamnik inungnut makkonunga, oᴋarpoᴋ Nâlagaᴋ; pikkablanermik oᴋâlasimangmat Nâlakamut.

Hosea 13:11

Ningarnimne tunitjivigilauᴋpagit atanermik, ningarnersoamnelo pêjalerivara.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Leviticus 20:27

Angullo arnarlônêt anernekullulik angakôjorlônêt, toᴋotaudlartuksauvok; miloraksarivase ujarᴋanut; autik tâpkonanêtuksauvut.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

Numbers 14:9

Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.

Apostelit Piniarningit 13:22

Tâmnalo atanioᴋojungnairamiuk, Dâvide ataningortipâ tâpkonunga, tâpsominga kigligiutjivok imâk: Dâvide nagvârpara, Jessib erninga, angut ômatima idluarijanga, tâpsoma perᴋojakka tamaita maligomârpait.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Galâtsiamiunut 5:20

Gûdeungitunik kivgartorneᴋ, angakoniarneᴋ, ᴋenugosungneᴋ, ômisungneᴋ, anerutjineᴋ, ningarneᴋ, aivaneᴋ, akkerartorneᴋ, ileratsârneᴋ, ᴋaningaumajarneᴋ, inuarneᴋ,

Deuteronomy 9:24

Nâlegak tapagitsainarpase, uvlormit ilitarᴋsitainarnimnit ilipsingnik.

Deuteronomy 9:7

Erᴋailerit, puigorniarnaglo, Nâlegak Gûdît ningarsâlaurangne sunaᴋajuitome; uvlormit aularkigijarnit nunamit Egiptenemit, tikiutinise tamaunga tikidlugo Nâlegak akkerartorpase.

Josua 22:15

Tikkigamigillo nuname Gileademe, oᴋarᴋattigivait oᴋarlutiglo:

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.

I Samuel 13:14

Mannale attanniovit soᴋᴋosijuiniangilak. Nalekab angut ᴋennerêrpa ingminut, omattime namagijanganut, tamna Nalekab perᴋova attannioᴋovlugo innuᴋotiminut; igvit Nalekab perᴋojanga nalalaunginangne.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.

I Samuel 28:3

Samuelele toᴋᴋolaukpok, Israelitillo illuêngardlutik oggurilaukpât, illijartorlaukpâllo iglugasaksoaᴋotingane Ramame. Sauliblo nallautainerluktut angakullo pêjarlaukpait nunamit.