I Samuel 15:20 - Labrador Inuttitut Heritage Bible

²⁰ Saulib Samuele kiova: Nalekab nippinga nalalauralloarpara, ailungalo apᴋomut Nalekab tilliklerutigilauktanganut uvamnik. Agaglo Amalekiterit attaningat âlaukpara tamaunga, Amalekiterillo nungulaukpakka;

I Samuel 15:20 Iomraidhean Croise

Hiobe 33:9

Ivsornaipunga, idluitullineᴋarnangalo, passijaksaungilungalo, ajorneᴋartaililarmalo;

Hiobe 34:5

Hiobe oᴋâlaungmat: Idluarpunga, Gûdiblo idluarnimnik pêjaivigivânga;

Hiobe 35:2

“Tamanna idluartônasugiviuk oᴋaravit: Idluarnera anginersauvok Gûdib idluarninganit?

Hiobe 40:8

“Attannertuineratauk sunaungititaksarinajarᴋiûk, passijaksaunerarlungalo, igvit idluarᴋovlutit?

Mattêuse 19:20

Tagva inôsuktub oᴋautivâ: Tamakkoa tamaita malilaukpakka sorusionimnit; suna sulle pingipigô?

Lukase 10:29

Taimnale idluartôjorilerame, Jêsuse aperivâ: Kina inuᴋatigivigô?

Lukase 18:11

Farisêere nangerdlunelo ilumigut tuksiarpok imâk: Gûde ᴋujagivagit, assiptut inuktut-inginama, arᴋtaijotut, idluitulijotullo, arnarniartotullo, pimaklertotullônêt ôtunak.

Rômiunut 10:3

Idluarneᴋ nâmagijaujoᴋ Gûdeme illitaringinamitsuk, idluarsinasuarlarmiglo nangminermingnik, idluarnerlo nâmagijaujoᴋ Gûdeme taimâk nâlalungilât.

I Samuel 15:13

Samuele manna Saulemut tikkimat, Saule oᴋarpok tapsomunga: Nalekab saimartilitit! Nalekab oᴋausingit nallautsitilaukpakka.

I Samuel 15:3

Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:8

Agaglo Amalekiterit attanningat tiguva ômatillugo, innuᴋattigêksuillo illunamasiatik nungupait saviksub kênanganut.

I Samuel 28:18

Nalekab nippinga nalilaunginangne, ningaumajarningatalo illungertorninga namaksitilaunginangne Amalekiterinut; tamanna pivlugo Nalekab taimailiorvigilaukpâtit manna.