I Samuel 15:11 - Labrador Inuttitut Heritage Bible

¹¹ Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.

I Samuel 15:11 Iomraidhean Croise

Genesis 6:6

Tagva Nâlegaᴋ ᴋaᴋᴋialerpoᴋ, inuit pingortigamigit nuname, ômatimigullo kiksarutigivâ.

Genesis 6:7

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

II Samuel 24:16

Engeliblo aggane issangmagit Jerusalemib ᴋollânut asseroromavlugit; Nalegak ᴋaᴋᴋialerpok idluinermik tamattominga, oᴋarlunelo Engelemut, asseroijomut innugatsoarnik: Namaksivok, aggaktit erᴋitikit. Nalekable Engelinga Arafnab Jebusitereôjub ᴋaᴋᴋojaksaliorvinganelaukpok.

I Atannit 11:9

Tagva Nâlekab Salomo ningarilerpa, omatinga Nâlekamik Israelib Gûdinganik allaingmat, maggoêrtorlune Sakᴋerlauktomik tapsomunga,

I Kronika 10:13

Taimâk Saule toᴋovok, idluitullinine pivlugit, Nalekamut idluitullijutigilauktane, Nalekab oᴋausinginut, nâlaktaulaungitunut tapsomunga; taimaglotauk angakut apperingmagit.

I Kronika 21:15

Gûdiblo Engele tilliva Jerusalemut, asserorlugit piᴋovlugo. Asserorsaitillugolo Nalekab takkova tamânna, ᴋakᴋialerutigivâlo, Engelelo asserorsaijok oᴋautiva: Namaksivok aggaktit erkitikit. Nalekable Engelinga nangerpok Arafnab Jebusitereôjub ᴋakᴋojaksalliorvingata kiglingane.

Hiobe 34:27

Tamana pivlugo ᴋemâlaungmatta tâpsominga, apᴋosiningitalo nalliallonêt tukkisilaungimatsuk.

Imgerut 109:4

Nagligigapkit, taimaimat kiglornipânga; uvangale tuksiarpunga.

Imgerut 110:4

Nâlegak oᴋamarilaukpok, ᴋaᴋᴋialerniangilarlo tamattominga: Ajochertuijôvotit issoᴋangitomut, Melchisidekib illinganingattut,

Imgerut 119:136

Ijîka kôktitsivuk kôngnik malligaksauᴋojattit nâlaktaulungimatta.

Imgerut 125:5

Sangulertulle apᴋosinermingnut niungapaᴋatiminut, Nâlekab aulartitsomârpait idluitullijut illagilugit. Israelitit ullapirsauteᴋarlît.

Imgerut 36:3

ᴋaningata oᴋausingit ᴋannoêtôvut, uivêriklerniôlutiglo; sillatojungnairpok, ajungitullijungnairlunelo.

Imgerut 78:41

Gûdelo ôktutsainalaurivât, sannikteritilugolo Hailigeôjok Israeleme.

Imgerut 78:57

Tunnulaukpullo, nertornartaililutiglo atâtamiktut, katsungainatiglo, pittiksetut ᴋassungajotut;

Exodus 32:11

Mosesiblo Nâlegak Gûdine ᴋenuvigidlarpâ, oᴋarlunelo: Nâlegak, suna pivlugo ningaumajârnît ônarsivâ inuᴋotingnut, tikiutijarnut nunamit Egiptenemit pitsartunermut angijomut, aggangnullo sôngodlartunut?

Exodus 32:14

Nâlegarlo anusingorpok idluinermit piniaromajaminit inuᴋotiminut.

Jeremia 11:10

Uterput atâtagilauᴋtangita, oᴋauserijamnik tuseromalaungitut, idluitulininginut; malikpullo Gudib assinginik, kivgartoromavlugit; Israêlib kinguvângita Judablo kinguvângita angiᴋatigêngneᴋ angerutigilauᴋtara atâtagijanginut, serᴋomipât.

Jeremia 13:17

Tusaromangikupsiugle, tarniga ᴋealârpoᴋ sagvangitome piojorinise pivlugo; ijîkkalo ᴋugviudlalârpuk kusserlutiglo ᴋugvingnik, Nâlakab saugaᴋotingit aᴋsârnigaudlarmatta.

Jeremia 34:16

Sangulauᴋposele, atteralo sujulauᴋpase, utertitsiluselo ilûnase atunit kipalogilauᴋtapsingnik angutinik arnaniglo, kipalûtjâriᴋâlauᴋtapsingnik issumamingnik piᴋovlugit; kipalotilaurivase angutit arnallo kivgartormiᴋovlugit ilipsingnik.

Jeremia 9:1

Kanoktok niaᴋora imetuinaulerle ijîkkalo puailaviovlutik ᴋugvingnik, uvloᴋ nâvlugo unnuarlo nâvlugo ᴋugviorᴋovlunga inuᴋotima paningita toᴋorartauningit pivlugit.

Jeremia 9:18

Tuavidlarlîllo ogguarniarlutik uvaptingnik, ijivut ᴋugviudlarᴋovlugit, ᴋermeriavullo puailavioᴋovlugit imermik.

Hesekiel 18:24

Idluartûble idluartulinine tunupago, idluitulilunelo, piniarlunelo maᴋojungnartunik tamainik idluitulijûb piniarningit maliklugit, inôjuksauvâ? Piniarningita idluartut neliarlônêt erᴋaumajauniangilaᴋ: tapanerijamine idluitulinerijaminelo piniartamine, tâpkonane toᴋojuksauvoᴋ.

Amos 7:3

Nâlegak nâpkigosulerpok tagva tamanna pitjutigivlugo; Tamanna pijuksaungilaᴋ, oᴋarpok Nâlegak.

Jona 3:10

Gudiblo iliorningit takovait, sâgiarmatta apᴋotigijamingnit idluitunit; Gudiblo ᴋaᴋialerutigivâ idluitoᴋ oᴋautigilauᴋtane piniaromavlugo tâpkonunga, piniarnerilungilâlo.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Sefania 1:6

Ipkoalo ᴋeviartut Nâlegak maligungnailugo; ipkoalo Nâlekamik ᴋenilungitut aperᴋutiginagolo.

Mattêuse 24:13

Issuanulle soᴋosijuitok, (okperlune) piulijaujomârpok.

Mattêuse 5:44

Uvangale oᴋautivapse: Akkerartortise nagligisigik; ilipsingnut oᴋauserluktut saimartisigik; ômigijise ajungituliviginiarsigik; ilipsingnik kiksartitsijut unangmiklertullo tuksiarutisigik.

Lukase 6:12

Uvlunelo taipkonane ᴋakᴋamut majorarame tuksiariartordlune, unnuak nâvâ Gûdemut tuksiarlune.

Ebrêerinut 10:38

Idluartuble okperneᴋ inôtiginiarpâ. Kemâniartorlo, taimna tarnima ᴋuviasûtiginiangilâ.

Josua 22:16

Nalekab illagêktoᴋotingita illunatik imak oᴋautsauᴋovâse: ᴋanok idluitullivise taimak Israelib Gudinganut, tunnulerapse uvlome Nalekamit, sananipsingnut Altaremik, kattakapse Nalekamit?

I Samuel 12:23

Ungasigletauk uvamnit, taimak idluitullilunga Nalekamut nokᴋartuksaugama tuksiarutigiluse, ajochertorluselo apᴋomik idluartomik tamarnangitomiglo.

I Samuel 13:13

Samuele Saulemut oᴋarpok: Sillainartomik pinniarlaukpotit, Nalekablo Gudivit perᴋojanga, perᴋolauktanga illingnut, nalalaungilat; manna Nalekab attaniovit Israelemut naᴋᴋiterajarmago soraijuitilugo,

I Samuel 15:10

Tagva Nalekab oᴋausingata Samuele tikkipa, oᴋarlunelo:

I Samuel 15:3

Tagva manna ailerit, ullimarlugillo Amalekiterit, nungulugillo pigijangit tamaita illaliudlugit. Nikkaginiarnagit; toᴋᴋotsilerille tamangnik angutinik arnaniglo, sorrutseniglo amâmaktuniglo, tuktuvângnik saukaniglo, Kamêlinik, siuteᴋoᴋtojuniglo.

I Samuel 15:35

Samueliblo Saule manamit takkojungnaipa toᴋᴋome uvlunga tikkilugo. Samuelible Saule oggurilauralloarpa, Nalegak ᴋaᴋᴋialilaungmat Saule attaningortilaungmago Israelitinut.

I Samuel 15:9

Saulible innuksuillo Agag nikkagivât, saugatsiallo, tuktuvaillo ᴋuinijut, saugârkallo, illunaitalo ânanaujut, nungutsomalaungilaillo; ᴋannoêtulle piungitullo, tamakkoa nungupait.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 8:6

Samuelib tamanna idluigiva, oᴋarmatta: Attanermik tunitsivigitigut idluarsaijomik uvaptingnik. Samuelelo tuksiarpok Nalekamut.