I Samuel 14:6 - Labrador Inuttitut Heritage Bible

⁶ Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.

I Samuel 14:6 Iomraidhean Croise

II Samuel 1:20

Oᴋarniarase tamattominga Gatheme, unipᴋautiginiarassiuglo apᴋosinerme Askalonib iglungita akkorngane, Filisterit panningit ᴋuviasulerᴋonnagit, kippisimangitut panningit serridlarᴋonnagit.

II Samuel 16:12

Imakkâ Nalekab ajulernera takkonârniarpa, pitsiarnermullo akkinniarlunga tapsoma oᴋarnerlotjininga uvlomênitak pivlugo.

II Atannit 19:4

Imakkâ Nâlekab Gûdivit tussaromangmangagit Rabsakib oᴋausingit ilunnaita, tillijaumajub angajoᴋaminut Assiriamiut attaninganut, Gûde omatsainartok mittautigilugo, suarlugolo oᴋautsinut, Nâlekab Gûdivit tussarlauktanginut. Tagva igvit amiakojut sulle innugiartoksoarnit tuksiarutigilaukit.

II Kronika 14:10

Assalo aularpok pâromavlugit, oppalungaijarpullo sorsungnermut naksarme Zefatamik attelingme Maresab ᴋannitanganêtome.

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

Imgerut 135:6

Nâlekab tamaita pijomajane piniarpait, ᴋillangme nunamelo, imarbingme ittinersoanelo tamaine.

Jeremia 9:23

Imâk Nâlagaᴋ oᴋarpoᴋ: Ilisimajoᴋ nertôtiniarane ilisimanerminik, pitsartujoᴋ nertôtiniarane pitsartunerminik, akluitoᴋ nertôtiniarane akluinerminik;

Jeremia 9:25

Ahâk, naliutsomârpoᴋ, Nâlagaᴋ oᴋarpoᴋ, pidlarnigomârama kipimajunik kipimangitut ilagilugit;

Jeremia 9:26

Egipten, Judalo, Edomelo, Ammoniblo ᴋitorngangit, Moabelo, ilûnaitalo salimajunik nujalit ulloangmingne, sunaᴋajuitome nunaᴋarpaktut; inôᴋatigêksuit ilûnatik kipimangitôngmatta, Israêliblo ᴋitorngangit ilûnatik kipimangitongmatta ômatimikkut.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Saggaria 4:6

Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

Numbers 10:32

Imaitsomârporlo ilagiguptigut, ila, imaitsomârpoᴋ, Nâlekab ajungituliviᴋarninga uvaptingnik maliklugo, taimailiorvigijomârivaptigit.

Numbers 31:4

Kinguvârênit tamainit, Israêlib kinguvârêngninginit ilûnainit, atunit 1,000nik tiliklertuksauvose unatarnermut.

Mattêuse 19:26

Jêsusible takusarlugit oᴋautivait: Inungnut ajornarpok, Gûdemulle tamaita ajornangilat.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Deuteronomy 32:30

ᴋanok atautsib tausendit aijalingniarᴋagît, magguglo ten tausendit ᴋemâtilugît? Imaᴋa Kairtungata aulailauᴋpait, Nâlekablo tunilugit sapkopait.

Filippimiunut 3:3

Uvagut kipimaniogapta, Gûdemik kivgartortogut anernerme, nertôtivlutalo Kristuse Jêsusemik, uvinik tatiginago.

Josua 14:12

Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

Idluarsaijut 15:18

Imerudlaramele Nâlegak nipliarvigiva oᴋarlunelo: Igvit taimak angijomik piulijaunermik tunnijilaukpotit kivgavit aggangittigut; mannâle toᴋojuksauvunga imerungnermut, pijaulungalo kippisimangitut agganginut.

I Samuel 14:5

Aipa sangmilaukpok avangat Michmasemut, aipanga angat Gabamut.

I Samuel 14:7

Tagva akjarsijoᴋotingata sakkunginik kiovâ: Pinniarit tamainik omattingnêtunik; ailerit, ahâk, aiparivagit, sorlo omattit pijomangmat.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.

I Samuel 17:46

Uvlorme tamattomane Nalekab unertotiginiarpâtit aggamnut, annauniᴋovlunga illingnik, pêrsiᴋovlungalo niakungnik illingnit; tunnijiᴋovlungalo Filisterit kattimgajoᴋotingita timinginik anernengêrtunik tingmitsanut ᴋillaub attânêtunut, omajunullo nujuartunut nunamêtunut, nunamiut illunatik tukkisilerᴋovlugit Israele Gudeᴋarmat,

I Samuel 17:47

Illagêktullo ukkoa tukkisilerᴋovlugit, Nalegak ikajorlungimat saviksoakullonêt, ᴋallugiaksoakullonêt; Nalekab sorsungnek nangmineringmago, tunniniarpâselo aggaptingnut.

I Samuel 31:4

Tagva Saule akjarsijoᴋotiminut sakkunginik oᴋarpok: Saviksuit amuleruk, kappilungalo tapsomunga, kippisimangitut taipkoa ᴋaiᴋonnagit kappilungalo, mittautigilungalo. Aksarsijoᴋotingale sakkunik, pijomalungilak, angijomik sivuragame. Tagva Saulib saviksoak tiguva, ochovigivâlo.