I Samuel 14:12 - Labrador Inuttitut Heritage Bible

¹² Angutille tangmarvingmêtut Jonathane akjarsijoᴋotingalo sakkunginik, kiovakit, oᴋarlutiglo: Kaileritik paunga uvaptingnut, tagva ajochertoromagalloarpaptik. Tagva Jonathan sakkome akjarsijinganut oᴋarpok: Malliklunga majorarit, Nalekab tunnimavait Israelitit agganginut.

I Samuel 14:12 Iomraidhean Croise

Genesis 24:42

Uvlome imeᴋtarvingmut tikkinama, oᴋarpunga: Nâlegaᴋ, Gûdeojotit angajoᴋâmnut Abrahamut, tamaunga ingergarama, ingergarnera sullitsiartitauletôᴋ illingnut!

Genesis 24:48

Okkungavlungalo Nâlegaᴋ opigivara, Nâlegaᴋ nakorivlugo, angajoᴋâma Abrahab Gûdingata tassiormanga apᴋome idluartome, angajoᴋâma ᴋatangutingata panninganik tiguserᴋovlunga erninganut.

II Samuel 5:24

Tussarniaruvillo nappartut Maulbeeriggit pappingita ᴋêaksungningat pigialermat, tagva tuavitit, Nalegak annisimangmat sivunerne, Filisterit kattimgajoksoaᴋotingit annauleromavlugit.

II Atannit 14:8

Taipsomane Amaziab tillijat tillivait Joasemut Joahasib Jehub erningata erninganut, Israelitit atanninganut, oᴋautsaukovâlo: ᴋait takkonautilauluk.

Idluarsaijut 4:14

Deborale Barakemut oᴋarpok: Atte! tamânna uvlôvok Nâlekab tunnijivinga Sisseramik aggangnut, Nâlegak sivorleriniarangne. Taimak Barak ᴋakᴋamit Thaboremit attersarpok, 10,000 dillo tapkoa mallikpât.

Idluarsaijut 7:14

Tagva aipanga akkiorpok oᴋarlunelo: Tamânna sunaungilak asianik Gideonib Joasib Israeliteôjub erningata saviksoanganit. Gûdib Midianiterit katimgajoksoangit ilagilugit tunimavait tapsoma agganginut.

Idluarsaijut 7:15

Gideonib tamna tussaramiuk sinaktomanermik taimaitomik unipᴋartok, tukkeᴋartitauningalo, pamangavlune tuksiarpok, uttermilunelo Israelitit katimgajunginut, oᴋarlunelo: Parngnaileritse Nâlekab Midianiterit katimgajungit, tunningmagit aggapsingnut.

Idluarsaijut 9:54

Tagva errinesuklune kivgane, sakkunginik akjarsijok, ᴋaikᴋova oᴋautilugolo: Saviksuit amuleruk toᴋolungalo, oᴋautauᴋonanga: Arnab toᴋolaukpa. Tagva kivgangata kappiva, toᴋoᴋovlugo.

I Samuel 14:10

Oᴋarniarpattale: Kaileritik paunga uvaptingnut; tagva majoraromavoguk tapkonunga; tagva Nalekab tunnimavait aggaptingnut. Tamannalo nallonaikutarijomavavuk.

I Samuel 14:13

Jonathanelo aggangmigut ittikamigullo majoakpok, sakkungatalo akjarsijingata mallikpa. Tagva ochovut Jonathanib sânganut, sakkungitalo akjarsijingat toᴋᴋotsiᴋattarpok tapsoma kingorngane;