I Samuel 13:14 - Labrador Inuttitut Heritage Bible

¹⁴ Mannale attanniovit soᴋᴋosijuiniangilak. Nalekab angut ᴋennerêrpa ingminut, omattime namagijanganut, tamna Nalekab perᴋova attannioᴋovlugo innuᴋotiminut; igvit Nalekab perᴋojanga nalalaunginangne.

I Samuel 13:14 Iomraidhean Croise

II Samuel 5:2

Taimaglotauk mattoma sivurngane Saule attanniotillugo uvaptingnut, igvit Israelitit aulartilugillo ittertilaukpattit. Nalekablo oᴋautilaukpâtit: Igvit innuᴋotikka Israelitit pairijaksarivattit attaniojuksaulutillo Israelitinut.

II Samuel 6:21

Davidele Michalemut oᴋarpok: Harfesijaromavunga Nalekab sângane, annerosulauktub uvamnik atatarnit taipsomalo iglomioᴋotinginit illunainit, perᴋolaungmanga attanniojuksauᴋovlunga Nalekab innuᴋotinginut Israelitinut;

II Atannit 20:5

Utterit, Hiskialo inuᴋotima atanningat oᴋautiuk: Imâk Nâlegak atâtavit Davidib Gûdinga oᴋarpok: Tuksiarnit tussarlaukpara, kugvitillo takkolaukpakka. Ahâk, pijungnaititsomavagit; uvlut pingajuane majorarlutit takpaungalârpotit Nâlekab iglunganut;

I Kronika 10:13

Taimâk Saule toᴋovok, idluitullinine pivlugit, Nalekamut idluitullijutigilauktane, Nalekab oᴋausinginut, nâlaktaulaungitunut tapsomunga; taimaglotauk angakut apperingmagit.

Imgerut 78:70

Annerilaukpâlo kivgane Davide, tiguvâlo saukat iglunginnit.

Salomob Okâl 27:24

Perᴋutit soraijuitsengimatta, niaᴋotelo itsainarlungilak.

Jesaiase 39:5

Jesaiasiblo Hiskia oᴋautivâ: Nâlekab, ᴋilangmiugasaksuit Nâlegangata oᴋausingit tussakit.

Apostelit Piniarningit 13:22

Tâmnalo atanioᴋojungnairamiuk, Dâvide ataningortipâ tâpkonunga, tâpsominga kigligiutjivok imâk: Dâvide nagvârpara, Jessib erninga, angut ômatima idluarijanga, tâpsoma perᴋojakka tamaita maligomârpait.

Apostelit Piniarningit 7:46

Tâmna Gûdemut saimarviolaukpok, ᴋenuvigivâlo igloliorᴋojaujomavlune Jâkob Gûdinganut.

Ebrêerinut 2:10

Pijariaᴋalaungmat Gûdemut (tamaitaᴋsuit tâmna pivlugo ingmatta, tâpsomungalo tamaitaᴋsuit pingmatta) âniatitaunermut nâmaksititsomavlugo tâmna ᴋitornganik unuktunik ânanaunivingmut pititsijoᴋ, tâpkoalo piulijigiangat Nâlegaᴋ.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 15:26

Samuele Saulemut oᴋarpok: Utterᴋattigijomangilagit; Nalekab oᴋausingit singalukogilaurangne, Nalekablo igvit singalukogingmattit attaniôᴋonak Israelitinut.

I Samuel 15:28

Tagva Samuele oᴋarpok tapsomunga: Nalekab uvlome Israelib attaniovinga aksarnigarilaukpa illingnit, tunnimalugolo innuᴋattingnut idluanisanut.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 16:12

Tagva tilliklerpok tagvunga aijauᴋolugolo. Aupalangalaukporlo, ijitsiariklunelo, taututsiariklarmelo. Nalegarlo oᴋarpok: Atte! mingoarleruk, tamnauvok.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.

I Samuel 24:20

Kannok nalliata omigijine naipiguniuk aularᴋonajaralloarᴋauk apᴋotikut ᴋanoêngitokut? Nalekab ajungitomik akkiniarlitit, uvlome piniarlauktat uvamnut pivlugo.

I Samuel 25:30

Nalekab nalegara ajungitunik tamainik oᴋautigilauktaminik illingnut pinniarviginiarpago, perᴋojiniarpallo attannioᴋovlutit Israelemut,

I Samuel 9:16

Kaupat nalliutome tamattomane, angut Benjaminib nunanganit pijok, tillijomavara illingnut; tamna mingoarlugo attaningortitaksarivat innuᴋotimnut Israelitinut, innuᴋotimnik piuliklerᴋovlugo Filisterit agganginit. Innuᴋotikka takkonârlaurapkit, nipliarningillo tikkisimavut sâmnut.