I Samuel 13:12 - Labrador Inuttitut Heritage Bible

¹² Tagva oᴋarpunga: Manna Filisterit attersarviginiarpânga Gilgalemut, uvangalo Nalekab kênanga tuksiarvigilaungilara; tagva oktorlaukpunga tunnijilauklungalo tunnergutiksanik ôtaksanik.

I Samuel 13:12 Iomraidhean Croise

Imgerut 66:3

Gûde oᴋautissiuk: Ila tattamnadlarput pinniarnitit! Omigijivit ᴋennuviginiarpâtit pitsartunersoarnit pivlugo.

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

II Korintemiunut 9:7

Ilûnatik issumamignik tunijilit; ᴋuviasugatiungitoᴋ, perᴋojautuinarnermullônêt pinatik; ᴋuviasuklune tunijijoᴋ Gûdib naglingmago.

I Samuel 13:11

Samuele oᴋarpok: Sunamik pinniarlauᴋît? Saul kiovok: Takkolaukpunga, innugatsuit siamartermatta uvamnit, igvillo ᴋailaunginavit nalliutome oᴋautaumajome, Filisterillo kattimangmatta Michmaseme.

I Samuel 13:13

Samuele Saulemut oᴋarpok: Sillainartomik pinniarlaukpotit, Nalekablo Gudivit perᴋojanga, perᴋolauktanga illingnut, nalalaungilat; manna Nalekab attaniovit Israelemut naᴋᴋiterajarmago soraijuitilugo,

I Samuel 15:12

Samuele uvlarârsukut parngnailerpok Saule uvlarme pâromavlugo. Oᴋautsauvorlo Saule Karmelemut tikkisimangmat, nappartitsimangmallo tagvane ingminut sâlaᴋarnerub nallonaikutanganik, ingerarlaungmallo sunatuinarmut, tikkisimangmallo unnunga Gilgalemut.

I Samuel 15:22

Samuelele oᴋarpok: Issumavit Nalekab tunnergutiksat, tunergutiksallo ôtaksat ᴋuviaginersaringmagit nalangnermit Nalekab nippinganik? Ahâk nalengnek namanersauvok tunnergutiksamit, kammatsiarnerlo namanersauvok saukat angutingita orsuanit.

I Samuel 21:7

Uvlormele taipsomane anguteᴋalaukpok ᴋamane palangairutsaumajomik Nalekab sângane, Saulib kivgangita illanganik, Doegemik attelingmik, Edomitereôjomik, angajoᴋaunerôjomik Saulib mianerijoᴋotinginit.