I Samuel 12:9 - Labrador Inuttitut Heritage Bible

⁹ Tapkoale Nalegak Guditik puigormatsuk, niorvgotigilaukpait Sisserab, sorsuktuksat Hazoreme angajoᴋangita pitsartuninganut, Filisterillo pitsartuninganut, Moabiterillo attaningata pitsartuninganut, tapkoa unatadlarvigilaukpait.

I Samuel 12:9 Iomraidhean Croise

II Samuel 7:11

Nalliutomillo taipsomangamit idluarsaijunik pititsilaurama innuᴋotimnut Israelitinut; merngoêrsernermiglo tunnitsivigijomavagit omigijingnit illunainit. Nalekablo nallojungnaitipâtit, Nalekab igvit iglomik iglolioromangmattit.

Imgerut 106:21

Gûde piulijitik puigorpât, taimak angijôtigijomik pinnialauktok Egipteneme;

Jesaiase 63:10

Taipkoale tappatovut, anerninga ajungitoᴋ sinaungasarlugo. Tamanna pivlugo ablatsângorlune akkerartulerpoᴋ taipkonunga, nangmineᴋ sorsukpoᴋ taipkonunga.

Jeremia 2:32

Uigasub pinnarnarsautine puigorungnarᴋagît, nuliaksablônêt annorâtsianê? Inuᴋotimale puigorpânga uvlut kitiksaungitut.

Deuteronomy 32:18

ᴋairtok inûlertitsilauᴋtok ilingnik kamagijungnairpat, Gûdelo inungortitsijok ilingnik puigorpat.

Deuteronomy 32:30

ᴋanok atautsib tausendit aijalingniarᴋagît, magguglo ten tausendit ᴋemâtilugît? Imaᴋa Kairtungata aulailauᴋpait, Nâlekablo tunilugit sapkopait.

Idluarsaijut 10:7

Tagva Nâlekab ningarningata Israelitit ilûngertorutigivait, niorvgotigilugillo Filisterit Amoniblo ᴋitorngangita agganginut.

Idluarsaijut 13:1

Israeliblo ᴋitorngangit idluitulligannerput Nâlekab sângane; Nâlekablo tunnilaukpait Filisterit agganginut jârit 40 git nâlugit.

Idluarsaijut 2:14

Taimak tagva Nâlekab ningarninga ilûngertudlalaukpok Israelitit pivlugit, tunnivaillo arktainiktut tapkoninga agganginut, aksarniᴋovlugit tapkoninga, niorvgutigivaillo omigijingita avatânetut agganginut. Akkerartorungnarungnailaukpaillo omigijitik;

Idluarsaijut 3:12

Israelible ᴋitorgangit kingorngane idluitullilaurivut Nâlekab sângane. Tagva Nâlekab Eglon Moabiterit ataningat ajugautipa Israelitinut, tamânna pivlugo idluitullilaungmatta Nâlekab sângane.

Idluarsaijut 3:31

Kingornganelo Samgar, Anathib erninga pivok; tapsoma Filisterit 600 dit annaulerlugit toᴋopait ajaupiamut, tuktuvângnut attortaumajomut, Israelitillo piulilaurivait.

Idluarsaijut 4:2

Nâlekablo niorvgotigivait Jabinib Kanaaniterit ataningata Hazoremelauktub agganginut; sorsuktuksoaᴋotingitale angajoᴋangat Sisseraôlaukpok, nunaᴋalaukporlo Harosetheme nallojunut illingajome.

I Samuel 12:15

Nalekable nippinga nalangniangikupsiuk ᴋanningale tappagigupsiuk, tagva Nalekab aggangita illipse atâtagijasselo akkerartorniarpâse.