I Samuel 12:5 - Labrador Inuttitut Heritage Bible

⁵ Tamna oᴋarpok tapkonunga: Nalegak kigligiudsijôle, saimartitangalo, uvlome uvlorme tamattomane sunasilaunginapse aggamne. Tapkoa oᴋarput: Ahaila, kigligiudsijôjuksauvuk.

I Samuel 12:5 Iomraidhean Croise

Genesis 31:50

Pannîkka kapiasuktinajarûngne, ubvalo pannîngma assîgingnik nulianigajaruvit sulle — inungmik uvaptîngnêtoᴋalungilaᴋ, ahâgle, Nâlegaᴋ kigligiutsijeovoᴋ uvamnullo illingnullo.

Hiobe 16:19

Mânnatauk sulle, ahâk, kigligiutsijigijara ᴋilangmêpok; illitarijimalo kotsiktomêpok.

Hiobe 42:7

Nâlekab mânna oᴋautsinik makkoninga Hiobe oᴋarᴋattigijarêrmago, Elifase Têmanemiok oᴋautivâ: Ningarnerma igvit ilannârijakiglo ilûngertutigivâse; nâmaktomik oᴋautigilaunginapsinga, kivgaptut Hiobetut.

Imgerut 17:3

Igvit ômattiga ôktorlaukpat, unnuamelo nallipsarlaukpat, kiglissiniarlungalo nachvângilattillo sumik; ᴋajusimalaukpunga ᴋannera tappajuksaungimat.

Exodus 22:4

Tigligak ômavlune naipitaukpat aggangine, tuktuvaungmangât, siuterᴋortojorlônêt, saugarlônêt, maggoertorlugo akkileraksarivâ.

Johannese 18:38

Pilâtusib oᴋautivâ: Mikseᴋârnek sunauvâ? Taimaglo oᴋarêrame, Jûdit anivigivait, oᴋautivlugillo: Pasitiksarsingilanga tâpsomane.

Apostelit Piniarningit 23:9

Nipliajoksôlerput tagva; aglangniglo ilisimajut Farisêerekunit nikovidlutik akerartulerpait, oᴋarlutiglo: Inungme tâpsomane idluitomik nagvângilagut, anernerille engelillônêt ilangata oᴋarviginerpago, akerartorungnangilagut Gûdemut.

Apostelit Piniarningit 24:16

Tamattomanele idluartomik isumaᴋarasuarpunga ilûnâne Gûdemullo inungnullo.

Apostelit Piniarningit 24:20

Ukualônêt nangminek oᴋarlit, sumik idluangitimok malungnarmangârma, kiglisiniartut sângane nangertilunga;

I Korintemiunut 4:4

Uvamnik aulajingikalloarama sumik; tamannale pivlugo idluartitaungikalloarpunga; Nâlegarle, tâmna erᴋartuijôvok uvamnik.

II Korintemiunut 1:12

Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.

I Samuel 12:4

Tapkoa oᴋarput: Aksororvigilaungilaptigut, idluitulliviginatalonêt, tigusilaungilatillo sunamik kia agganginit.

I Samuel 26:9

Davidele Abisaimut oᴋarpok: Asserorniarnago pît; kiale aggane illijomavagit Nalekab saimartitanganut pitlartauniaranelo?