I Samuel 12:3 - Labrador Inuttitut Heritage Bible

³ Ahâk, manêpunga akkerartorlunga kiogisinga, Nalekab tapsomalo saimartitangata sângane, kia tuktuvaᴋotinga, siuteᴋoktojoᴋotingalonêt tigulaungmangapkik? kina aksorornermut aksarlaungmangapko, idluitullivigilaungmangapkolonêt? Kialonêt agganginit pilliusiamik tigusilaungmangarma, ijikalo takpêtitauᴋolaungmangapkik? Tagva uttertitsomavara.

I Samuel 12:3 Iomraidhean Croise

II Samuel 22:22

Uvanga Nalekab apᴋosiningit attorapkit, idluitullilungilangalo Gudimnut.

Nehemia 5:11

Tagva mânna uvlorme tamattomane perorsêvingit, perorsêvingillo Weineliksat, perorsêvingillo orksuggit, iglungillo sattortautisigik tapᴋonunga, kênaujallo ᴋakᴋojaksallo, Weineliksallo iptingit, orksuglo tigulauktapse tapᴋonangat tappiksamut 100 dingat.

Imgerut 15:5

Kênaujaᴋotiminik taukteliksarsiviolungitok illaᴋaromavlune, pilliusiamiglo tigusilungitok passijaksaungitok pivlugo; tamakkoninga pinniartok, tâmna issoᴋangitomut îtuatsainaromârpok.

Exodus 20:17

Inôᴋativit iglunganik pijomajuksaungilatit, inôᴋativit nulianganik, kivganganiglo angumik, kivganganiglo arnamik, tuktuvaᴋotinganiglo, siuterᴋortojoᴋotinganiglo, sunatuinarniglônêt inôᴋativit perᴋutinginik pijomajuksaungilatit.

Exodus 22:4

Tigligak ômavlune naipitaukpat aggangine, tuktuvaungmangât, siuterᴋortojorlônêt, saugarlônêt, maggoertorlugo akkileraksarivâ.

Exodus 23:8

Tunergusianiglo tigusijuksaungilatit: tunergusiat tautuktut tautungitingmagit, idluartublo oᴋausingit mumikpait.

Salomob Okâl 15:27

Torᴋuijok kiksartitsivok iglomioᴋattiminik; pilliusianigle omisuktok inôniarpok.

Leviticus 6:4

Idluitulikpat pasijaksaukpallo, utertitsijuksauvok aᴋsârnigarijaminik, pijaminiglônêt oᴋumaiksartitsinekut, satoraksautitaulauktomiglônêt, nagvârtaminiglônêt,

Leviticus 6:5

Misiarutigilauktaminiglônêt oᴋauseludlarlune saglûtigijaminik, ilûnanga utertitaksarivâ tappeᴋartilugo tallimanganik: tunijaksarivâ inuanut uvlorme pasijaksaunime nalonaijartauviane.

Numbers 16:15

Moseselo ningadlalerpoᴋ, Nâlegarlo oᴋautilât: Tâpkoa tunergutingit ilaliorniarnagittôᴋ; siutiᴋortojomik atautsemiglônêt aᴋsârnilauᴋsimangilanga tâpkonangat, neliallônêt idluitomik piniarvigingilara.

Mattêuse 22:21

Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.

Lukase 19:8

Zaᴋêusible Nâlegak tikipâ oᴋautilâllo: Nâlegak, ahâk, perᴋutikka maggoilivlugit, aipangit tunivakka aklujunut, uivêrijaujoᴋarpallo uvamnut, sitamairtorpakka utertilugit.

Apostelit Piniarningit 20:33

Silberemik goldemiglônêt pigijapsingnik annorâpsingniglônêt ᴋenulaungilanga.

II Korintemiunut 12:14

Ahâk pingajuanik tikiniarsinnalerpapse oᴋumaititsijomananga ilipsingnik; pipsingnik pinasuanginama, ilipsingnigle. ᴋitorngat katersoijuksaungimatta perᴋutinik angajoᴋâmingnut, angajoᴋalle ᴋitorngamingnut.

Deuteronomy 16:19

Idluarsaineᴋ mumigaksarilungilat; inuit kinauningit kamagijaksaringilatit; piliusianik tigusijuksaungilatit, piliusiat silatojut ijingit takpêtingmagit, mumiklugillo idluartut pitjutingit.

I Tessalônikamiunut 2:10

Nelungilase Gûdiblo (nelunginivâ), ᴋanoᴋ ivsornaidluta idluartôvlutalo passijaksaunatalo najulaurapse, ilipse okpertose.

I Tessalônikamiunut 2:5

Manigôtituinartunik oᴋauseᴋalautsanginapta, ᴋaujimavose, perᴋutiniaromanermullônêt pilaungminata; Gûdib nelungilâtigut.

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

I Samuel 10:1

Tagva Samuelib publaujak orksuktalik tiguva, kovilugolo tapsoma niaᴋoanut kunnikpa, oᴋarlunelo: Takkovît Nalekab mingoarsimangmattit, attanniôᴋovlutit kingormgutigijanganut?

I Samuel 12:4

Tapkoa oᴋarput: Aksororvigilaungilaptigut, idluitulliviginatalonêt, tigusilaungilatillo sunamik kia agganginit.

I Samuel 12:5

Tamna oᴋarpok tapkonunga: Nalegak kigligiudsijôle, saimartitangalo, uvlome uvlorme tamattomane sunasilaunginapse aggamne. Tapkoa oᴋarput: Ahaila, kigligiudsijôjuksauvuk.

I Samuel 2:35

Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.

I Samuel 24:11

Ahâk, uvlorme tamattomane ijikik takkovuk, Nalekab uvlome tunnilaungmattit aggamnut ᴋairosungme, oᴋartoᴋalaukporlo, toᴋᴋotaksarigapkit. Kissiane nikkagijaulaukpotit oᴋalaurama: Aggakka illijomalungilakka angajoᴋamnut, Nalekab saimartitaringmago.

I Samuel 24:6

Kingornganele omattinga tiglitâlerpok, Saulib ullingata terreᴋunganik kippisimagame.

I Samuel 24:7

Oᴋarlunelo anguteᴋotiminut: Tamanna Nalekab ungasiktiliuk uvamnit, taimailiortuksaugama, aggakka illilugit angajoᴋamnut, Nalekab saimartitanganut; Nalekab saimartitaringmago.

I Samuel 26:11

Nalekab uvamnit ungasiktiliuk, aggakka illijaksarigapkit Nalekab saimartitanganut. Taimak tigukik manna ᴋallugiak niaᴋungata tungânêtok ermgusiârsuglo, aularlauluglo.

I Samuel 26:9

Davidele Abisaimut oᴋarpok: Asserorniarnago pît; kiale aggane illijomavagit Nalekab saimartitanganut pitlartauniaranelo?