I Samuel 12:23 - Labrador Inuttitut Heritage Bible

²³ Ungasigletauk uvamnit, taimak idluitullilunga Nalekamut nokᴋartuksaugama tuksiarutigiluse, ajochertorluselo apᴋomik idluartomik tamarnangitomiglo.

I Samuel 12:23 Iomraidhean Croise

I Atannit 8:36

Tagva igvit tusalaurit ᴋillangme, isumagijungnailugillo kivgavit inuᴋotivillo Israelitit ajorningit, apᴋosinermik ajungitomik agvertarvigijaksarijanganik unnertutilaukârlugit, tunnijilutillo sillalungnermik nunakotingnut, tunnilauktarnut inuᴋotingnut, innigijauᴋovlugo tapᴋonunga.

II Kronika 6:27

Tagva igvit tussalaurit ᴋillangme, issumagijungnailugillo kivgaᴋotivit innuᴋotivillo Israelitit ajorningit, ajochertorlauᴋârdlugit apᴋosinermik ajungitomik, agvertarvigijaksarijanganik; tunnijilutillo sillalungnermik nunaᴋotingnut, tunnilauktarnut innuᴋotingnut, innigijauᴋovlugo tapᴋonunga.

Imgerut 122:6

Jerusaleme pilloringnermik peᴋarᴋogissigik. ᴋanoêngitsiarlît naglingniktut illingnik.

Imgerut 34:11

ᴋaititse ᴋittorngaujose tamaunga, tussanârissinga, sivôranermik Nâlekamik ajochertoromavapse.

Imgerut 34:12

Kina inôtsiarnermik tussuvâ, uvloᴋaromalunelo ajungitunnik?

Exodus 32:30

ᴋaungmallo Mosesib inuit oᴋarvigivait: Idluitulisimavose angijomik; mânnalo majoraromavunga Nâlekamut; imaᴋâ ulapᴋosêjutiksarsinajarpunga ajornise pivlugo.

Salomob Okâl 4:11

Ilisimanerub apᴋotinganik ajuᴋertoromavagit, tessioromavagit apᴋosinerme idluartome.

Okaluktok 12:10

ᴋennerasualaukpok nachvâromavlune oᴋautsinik tussarnertunik, mikseᴋârnerublo oᴋausingit nellâgôrtut aglalaukpait.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 27:18

Nalautaijôgunigle, Nâlakablo oᴋausinga tâpkonanêkpat, tagva Nâlagaᴋ Zebaot ᴋenuvigilitsuk, perᴋutit Nâlakab iglunganêtut, Judablo ataningata iglunganêtut, Jerusalemelo amiakôjut, Babilonemut perᴋonagit.

Jeremia 42:4

Jeremiablo nalautaijub oᴋautivait: Tusarpapse; ahâk, Nâlakamut Gudipsingnut tuksiaromavunga sorlo oᴋarapse; nalonaijaivigijomavapselo ᴋanoᴋ Nâlakab akkilârmangâse; sumiglônêt angigutijomangilapse.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Apostelit Piniarningit 12:5

Pêtruselo parngnanairsimavingme udjertortaulauktôgalloak; ilagêktulle sorairatik tuksiarutivât Gûdemut.

Apostelit Piniarningit 20:20

(Kaujimavapsingalo) angigutilaunginapse idluartomik sumiglônêt oᴋâlatigijaksamnik ajoᴋertûtigijaksamniglo ilipsingnut katimatiluse iglupsingnelo.

Rômiunut 1:9

Gûdib (kivgartortama anernipkut, Erningata oᴋausinginik tussarnertunik oᴋâlavlunga,) ᴋaujimavânga, sorairnanga erᴋaumagapse,

I Korintemiunut 9:16

Oᴋautsit tussarnertut oᴋâlatigigapkit, nertortuksaungilanga uvamnik; taimailiortuksaugama. Kappianarmêk uvanga, oᴋautsit tussarnertut oᴋâlatigingikupkit.

Kolossamiunut 1:28

Tâmna oᴋautigivavut, inuit tamaita ᴋaiblarlugit, ajoᴋertorlugillo inuit tamaita, silatunivut ilûnât atorlugo; inuit ilûnatik atunit nâmaksitiniaromavlugit Kristûse Jêsuseme.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

I Tessalônikamiunut 3:10

Angijomik tuksiarpogut uvlôtilugolo unnuamelo, kênase takojomavlugit, âᴋiksoromavlugolo âᴋigaksaᴋarpat okpernipsingne.

II Timôteusemut 1:3

ᴋujagivara Gûde, kivgartortara sivorlerijakka maliklugit issumamut ivsornaitomut, sorairnanga erᴋatsainarapkit tuksiarnimne uvlôtilugolo unnuamelo.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.

I Samuel 8:6

Samuelib tamanna idluigiva, oᴋarmatta: Attanermik tunitsivigitigut idluarsaijomik uvaptingnik. Samuelelo tuksiarpok Nalekamut.