I Samuel 12:20 - Labrador Inuttitut Heritage Bible

²⁰ Samuele innuksoarnut oᴋarpok: Sivuraniarase, idluitunik tamakkoninga tamainik pinnialauralloarpose, kissiane nûniarase Nalegak tunnulugo, kivgartorsiugle omamut tamânut;

I Samuel 12:20 Iomraidhean Croise

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

Imgerut 101:3

Idluitomik ᴋajusilungilanga. Tappatôjut piniarningit ômigivakka, taimaitorlo uvamnêtsainarᴋolungilara.

Imgerut 125:5

Sangulertulle apᴋosinermingnut niungapaᴋatiminut, Nâlekab aulartitsomârpait idluitullijut illagilugit. Israelitit ullapirsauteᴋarlît.

Imgerut 40:4

Pillorikpok tâmna Nâlekamik sungertuteᴋartok, sâlungitorlo piôjorijunnut, saglonerniglo attorpaktunnut.

Exodus 23:25

Nâlegarlo Gûdise kivgartoraksarivase, tâpsomalo nerᴋiksatit imiksatillo saimartitsomavait; ᴋanimaserillo pêjaromavakka akunapsingnit.

Exodus 32:30

ᴋaungmallo Mosesib inuit oᴋarvigivait: Idluitulisimavose angijomik; mânnalo majoraromavunga Nâlekamut; imaᴋâ ulapᴋosêjutiksarsinajarpunga ajornise pivlugo.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Haggai 2:5

Oᴋausiᴋ inna maliklugo angirutigilauᴋtamnik ilipsinut Egiptenemit anigapsi, aninniralo akunapsingnêtsainarpoᴋ; sivôraniarasi.

Deuteronomy 10:12

Manalo, Israêl, Nâlegak sunamik pijomavâ ilingnît? Imâk kisiane: Nâlegak Gûdît sivôragigangne, arvertarniaravillo tâpsoma apᴋutauᴋojangine tamaine, nagligilugolo, Nâlegarlo Gûdît kivgartorniarangne ômatingnut tamânut tarningnullo tamânut.

Deuteronomy 11:16

Udjertorupsele ilipsingnik, ômatise uivêrijauᴋonagit, sanguᴋonaselo Gûdib assingit kivgartoromavlugit pâmaktervigivlugillo;

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Josua 23:6

Tagva manna maksoadlaritse, sapkutsitailiᴋovluse, pinniarᴋovluselo tamainik aglaksimajunik Mosesib aglaᴋotingine perᴋojaktalingne sanniagorkonnase tamakkonangat tallerpingmullonêt, saumingmullonêt.

I Pêtrusib 3:16

Kenûêdluse udjertorluselo, passijaksaungitomik ilumiuteᴋarluse; ilipsingnik terliarᴋataijut idluitulijionerartise kangusoᴋovlugit, Kristuseme ajungitulinipsingnik mitauteᴋaramik.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.