I Samuel 12:12 - Labrador Inuttitut Heritage Bible

¹² Takkolaurapsele Nahasib Amonib ᴋittorngangita attaningata ᴋaitsovigingmasse, oᴋalaukpose uvamnut: Igviungitok, attaniuble attanniotivigijaksarivâtigut; Nalegak Gudise attannerilauralloarapsiuk.

I Samuel 12:12 Iomraidhean Croise

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Imgerut 74:12

Gûde attanerigapᴋo itsarnit, ikajornernik sunatuinarniᴋ pinniartok nunab ᴋerᴋane.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jeremia 40:11

Taimaktauᴋ Judit ilûnatik Moabemêtut, Ammoniblo kinguvângita akornganêtut, Edomemêtullo, nunanêtullo nalliane, tusaramik Babilonib ataningata Judakut amiakoᴋartisimangmagit, Gedalialo, Ahikamib, Sâfanib erningata, erninga angajoᴋângortisimangmago tâpkonunga;

Hosea 13:10

Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

Numbers 23:21

Idluitomik takolungilaᴋ Jakokune, tatitosarnermiglônêt Israêlikune: Nâlegaᴋ Gûdinga tâpsomanêpoᴋ, ataniublo ᴋaggudlarutauninga tâpkoa akornganêpoᴋ.

Idluarsaijut 8:23

Gideonele oᴋarpok tapkonunga: Nâlegaujomalungitunga illipsingnut, erneralo Nâlegaujuksaunginivok illipsingnut, Nâlegarle Nâlegaujuksauvok illipsingnut.

Idluarsaijut 9:18

Illipselo mânna kippalidlarpose atâtama iglunganut, inuarluselo ᴋitornganginik, angutinik 70 ginik ujarᴋame atautseme; ataningortitsiluselo Abimelechemik, kivgangata erninganik, angutinut Sichemetunut, ᴋatangutigigapsiuk.

I Samuel 10:19

Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

I Samuel 8:3

Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.