I Samuel 12:11 - Labrador Inuttitut Heritage Bible

¹¹ Tagva Nalekab Jerubâle Bedanelo, Jeftalo, Samuelelo tillivait, piuliluselo omigijipse avatipsingnetut agganginit, nunaᴋarᴋoluselo ussornarluse.

I Samuel 12:11 Iomraidhean Croise

II Atannit 13:5

Nâlekablo Israelitit piuliklertemik tunnitsivigivait, tessiortemik tapᴋoninga Siriamiut pitsartuninganit, Israelib ᴋitorngangit iglomingne innekarmiᴋovlugit sivurnganetut.

I Kronika 7:17

Ulamib erninga Bedaneôlaukpok. Tagva Gileadib erningit Machirib erningata, Mânnassib erningata.

Idluarsaijut 4:6

Tamna tilliklerpok Barakemut Abinoamib erninganut, Kedesemetomut Nafthalime, oᴋautsauᴋolugolo: Nâlekab Israelib Gûdingata perᴋolaungilatit: Aularit ailutillo ᴋakᴋamut Thaboremut, illaseariᴋillo angutit 10,000 dit, Nafthalib Sebuloniblo ᴋitornganginit?

Idluarsaijut 6:14

Nâlekable savigiva oᴋarlunelo: Ailerit pitsartunerne tamattomane, igvit Israelitit piulijaksarivattit Midianiterit agganginit. Ahak tillilaukpagit.

Idluarsaijut 6:31

Joasele ilûnainut nangerᴋattigijaminut oᴋarpok: Baal aivajutigijomavisiuk? Ikkajoromavisiuk? Aivajok tamna pivlugo, tamna uvlarme tamattomane toᴋojuksauvok. Gûdeôgune pivlune akkiniarle Altaringa serᴋomisimangmat.

Idluarsaijut 6:32

Uvlormit tamattomangat taijaulaukpok Jerub Baalemik, oᴋartoᴋarporlo: Baal nangminek pivlune akkiniarle Altaringa serᴋomisimangmat.

Idluarsaijut 7:1

Tagva Jerub-Baal, tagva Gideon, uvlârarsukut aularjajovok inugasaksuillo ilagijangit ilûnatik, tangmarlutiglo imertarvingme Harodemik atelingme, taimak Midianiterit katimgajoᴋattigêningit tachanelaungmatta udsertorviub ᴋakᴋarulangita ungatane, naksarme.

Idluarsaijut 8:29

Jerub-Baalo Joasib erninga, aivok igloᴋarlunelo iglomine.

Idluarsaijut 8:35

Napkiningnermiglo pinniarlaungilet Jerub Baalib, tagva Gideonib iglomioᴋattinginut, sorlo tamna ajungitunik tamainik pinniarlaungmat Israelitinut.

I Samuel 3:20

Israelitillo illunamasiatik Danemit Bersaba tikkilugo illitarksilerput Samuele nallautaijôngmat nertornartomik Nalekamut.

I Samuel 7:13

Taimak Filisterit songojungnaititauvut, tikkitsungnailutiglo Israelib nunangata kiglilervianut; Nalekablo aggangita Filisterit akkerartorpait Samuelib innosingane illunane.