I Samuel 11:11 - Labrador Inuttitut Heritage Bible

¹¹ Uvlublo aipangata uvlangôningane Saulib innugatsuit avitipait pingasolilugit, tikkilutiglo tangmarvingmut, udsertortib uvlarme nalliuningane, annaulerpaillo Amoniterit, uvlub kiaᴋarninga tikkidlugo; amiakojulle taimak siamartitauvut, magguglonêt aiparêgungnaimanik.

I Samuel 11:11 Iomraidhean Croise

Genesis 22:14

Abrahablo nuna tamanna atserarpâ: Nâlegaᴋ tautugaᴋarniarpoᴋ. Tamanna pivlugo sulle uvlome oᴋartoᴋarpakpoᴋ: Kaᴋᴋame, Nâlekab tautugaᴋarviane.

II Samuel 18:2

Tillivaillo, innugatsuit pingajungit attautsit, Joabe angajoᴋagilugo; pingajungillo attautsit, Abisai angajoᴋagilugo; pingajungillo attautsit Ithai Gathemiok angajokagilugo. Attannerlo innugatoksoarnut oᴋarpok: Uvangatauk aularᴋattigijomavapse.

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Exodus 14:24

Uvlârarsukullo pigârtib pigârvingane, Nâlekab Egiptenemiut sorsuktuksoaᴋotingit takonârpait nappajomit ikomamit nuvujamillo, siorniortipaillo Egiptenemiut sorsuktuksarsoaᴋotingit,

Mattêuse 7:2

Erᴋartuinipsingnut erᴋartortaujomârpose; ôktûtipsingnullo ôktortaujomârivose.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.

Idluarsaijut 1:7

Tagva Adoni Besek oᴋarpok: Atanit 70 git kippiviomajut kublomingnik aggangine, puttogomingniglo itigangine, kattersoilaukput nerrimârvingma atâne. Sorlo mânna uvanga pinnialaurama, taimak Gûdib akkinniarvigivânga. Atauvorlo Jerusalemut, toᴋolunelo tagvane.

Idluarsaijut 4:16

Barakible aksalloaggit, sorsuktuksoaᴋattigêllo udlapait, nallojut Harosetingat tikkilugo. Sisserablo sorsuktuksoaᴋotingit ilûnaita ochovut saviksub kênanganut amiakoᴋaratik atautsemiglonêt.

Idluarsaijut 7:16

Angutillo 300 dit tapkoa avikpait pingasuilivlugit attunîllo tunnitsivigivait tiptulautemik agganginut, macharniglo illuleᴋangitunik, nannergoaniglo takᴋamane.

Idluarsaijut 7:20

Taimak katimgajut pingasuit ilûnatik tiptulausijarput machaillo serᴋomilugit pivut. Nannergoalle tigumiarpait aggangmingnut saumingminut, tiptulautillo aggangmingnut tallerpingmingnut, tiptulausijarlutik kaggûdlarlutiglo: Mâne Nâlekab saviksoanga Gideoniblo!

Idluarsaijut 9:43

Inugasaksuit tiguvait, avitilugillo pingasuilivlugit terliarsijoᴋartitsilunelo tapkoninga perorsêvingme. Takogamelo mânna inuit iglugasaksoarnit anningmatta makkijutigivait, ullimârlugillo.

I Samuel 11:2

Nahasible Amonitereôjub kiovait: Tamattominga angerᴋattigijomavapse, illunase attunit ijipse tallerpia kappijomagapko, sujuktiluselo Israelitit illunatik akkorngane.

I Samuel 14:47

Saulible Israelib nalegauvinga tigujarêramiuk, omigijine illumajine illunaita sorsugvigilerpait, Moabiterit, Amonib kittorngangit, Edomiterit, Zobamiut attaningat, Filisterillo; sanguvingminelo illunaine sugiarnermik pititsivok.