I Samuel 10:9 - Labrador Inuttitut Heritage Bible

⁹ Tunnulermallo, Samuelemit aularomavlune, Gudib omamik assianik tunnitsivigiva, nallunaikutallo taipkoa illunatik tikkilaukput uvlorme taipsomane.

I Samuel 10:9 Iomraidhean Croise

Hesekiel 36:26

Tunitjivigijomârpapselo ômamik nutâmik, anernermiglo nutâmik pititsijomârpunga ilipsingnut: ômatelo ujaraujârtoᴋ pêjaromârpara uvinipsingnit, ômamiglo uviniojomik tunitjivigijomârpapse.

Markuse 14:16

Illinniartuglo aivuk, pilutiglo iglugasaksoarnut, sorlolo oᴋautilaungmagik, naipipâk, saugârsuglo aularviksiorutiksaᴋ âᴋiksorpâk.

Idluarsaijut 6:21

Tagva Nâlekab Engelingata ajaupiak tigumiartane aggangminut, issautiva aktorlugiglo nuvuanut nerᴋe sanaugarlo sernaᴋangitok. Ikkomalo annivok ᴋairtomit, nerrilunelo nerᴋemik sanaugamiglo sernaᴋangitomik. Nâlekablo Engelinga nippakpok ijigingnit.

Idluarsaijut 7:11

Tussarᴋovlutit oᴋauserijanginik; kingorngane pitsartunelijarlutit attersartuksauvotit tangmarvingmut. Tagva Gideon kivgane Pura aiparilugo attersarpok pigârtut tangmarvingmelauktut ininganut.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 2:35

Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.