I Samuel 10:6 - Labrador Inuttitut Heritage Bible

⁶ Nalekablo Anerningata tikkilârpâtit, illagilugit nallautailerᴋovlutit; tagva ablatsangorniarpotit angumut assianut.

I Samuel 10:6 Iomraidhean Croise

Numbers 11:17

Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.

Numbers 11:25

Nâlegarlo aᴋᴋarpoᴋ nuvujame, oᴋaᴋatigilugolo, anernerublo tâpsomanetûb ilanga tiguvâ pitilugolo angajoᴋaujunut 70nut; ahâglo, anernerub tupvigingmagit nelautailerput, kingornganele taimailiorungnaiput.

Numbers 11:26

Angutîgle maggûk tangmârvingmêtuarpûk, aipâ Eldademik atteᴋarpoᴋ, aipangalo Medadeovoᴋ; anernerublo tupvigivak; aglaksimajunut ilingagaloarpûk, tupiliaᴋataulaungilâgle; nelautailerpûglo tangmârvingme.

Numbers 11:29

Mosesiblo oᴋautivâ: Pivlunga nâmaksijungnaikêt? Nâlekab inuᴋotingita ilûnatik nelautaijôgiangit tusunadlarpoᴋ, Nâlekab anernine pitinajarmago tâpkonunga.

Mattêuse 7:22

Uvloksame naliutsomârtome unuktut oᴋautijomârpânga: Nâlegak, Nâlegak, atterne nalautsitiksanik oᴋalaungitogût? Sâtanasit atternut anitilaungilavût? Unuktuniglo tatamnartulilaungilagût atternût?

Idluarsaijut 14:6

Nâlekablo Annerningata tikkipa, alliktorpâlo tamna, sorlo angusâlloârsuk alliktortaupângmat; sunaᴋaranelonêllo aggangmine. Oᴋalungilarlo atataminut anânaminullonêt pinniarnerilauktaminik.

Idluarsaijut 15:14

Tikkimallo Lehimut Filisterit kaggûdlarvigivât ᴋuviasumut. Nâlekable Annerningata tikkipa, aklunâglo talligingnelauktuk ivaluksatut îlerpuk, ikkomamut ôtaujotut, ᴋellaksutik aggangine ᴋellarudsarmanik.

Idluarsaijut 3:10

Nâlekablo Annerninga illumigiva, idluarsaijolaukporlo Israelitinik, aularlunelo unatadlarnermut; Nâlekablo Siriab atanertanga Kusan-Risathaime tunniva tapsoma agganginut, aggangit tapsomunga songolualilaungmatta.

I Samuel 10:10

Kakᴋarulângmullo tapsomunga tikkimanik, ahâk, tagva nallautaijut kattimgajut pârpât; Gudiblo Anerningata tikkivigiva, nallautailerporlo tapkoa akkorngane.

I Samuel 10:9

Tunnulermallo, Samuelemit aularomavlune, Gudib omamik assianik tunnitsivigiva, nallunaikutallo taipkoa illunatik tikkilaukput uvlorme taipsomane.

I Samuel 11:6

Tagva Gudib annerningata tikkipa, oᴋautsit taimaitut tussaramigit, ningaumajarningalo illungertudlalerpok.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 19:20

Tagva Saule kivgartortunik tilliklerpok tagvunga, aiklerᴋovlugit Davidemik. Tapkoalo takkovait nallautaijut kattimgajut maggoit, nallautaitillugit, Samuelelo aulatsijolaukpok tapkoninga. Tagva Gudib annerningata Saulib tillijangit tikkipait, nallautailerᴋovlugittauk.