I Samuel 1:21 - Labrador Inuttitut Heritage Bible

²¹ Angullo Elkana majorarmat paunga iglomioᴋattine illagaillugit tunnergutiksamik tunnijauvaktomik, angerutigilauktaminiglo tunnijijomavlune Nalekamut,

I Samuel 1:21 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Imgerut 101:2

Ittaktorlunga nallâgôrlungalo arvertaromavunga tikkileraigumga; ômattelijarlunga idluitailijomik arvertaromavunga iglumne.

Deuteronomy 12:11

Tagva iniksamut Nâlekab Gûdipse annerijanganut atterminut iniksauᴋovlugo, tagvunga âtaksarivase perᴋojijutigijakka tamaita ilipsingnut; tunergutise ôtaksat, tunergutise toᴋotaksat, perᴋutipse tallimaujoangit, aggapselo tunergutingit issautijaksat, angerutigijaselo annernarnerpat angerutigijase Nâlekamut.

Deuteronomy 12:6

Tagvungalo tunergutiksase ôtaksat, tunergutiselo toᴋotaksat, perᴋutipselo tellimaujoangit, aggapselo tunergutingit isautijaksat, angerutigijaselo, tunergutiselo pijârijut, tuktuvaᴋotipselo saugakotipselo pijariorutingit âtaksarivase;

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.

I Samuel 1:3

Angullo tamna iglugasaksoarnit iglokarviminit majorarlaukpok nalliunermine, tuksiaromavlune tunnergutiksaniglo tunnijilune Nalekamut Silome. Tagvanelaukpugle Nalekab ajochertuijokotigik Hofni, Pinehaselo, Elib ernigik.

I Samuel 2:19

Tamannalo tappilugo anânangat sannavok tapsomunga ullingmik mikkijomik; takpaungartipâlo tapsomunga, nalliuningane, uine illagilugo takpaungarlaurune tunnergutiksat tunilugit nalliuningane.