I Samuel 1:11 - Labrador Inuttitut Heritage Bible

¹¹ Pinniaromajaminiglo angerpok, oᴋarlunelo: Nalegak Zebaot, kivgavit ᴋannoêninga taikkunârniarungne, issumaginiarumga, kivgallo puigorniangikungne, kivgallo ernermik tunnitsiviginiarungne, tagva Nalekamut tunnijomavara innôsinga nâlugo, pijoᴋartuksaungilarlo kipsautingnik niaᴋunganut.

I Samuel 1:11 Iomraidhean Croise

Genesis 28:20

Jakolo angerpoᴋ, angeruteᴋarlune imâk: Gûdib illagikpanga, saputivlungalo apᴋome mattomane ingergarvigijamne, nerᴋiksaniglo tunitjivigikpanga nerrijaksamnik, annorâniglo attijaksamnik,

Genesis 29:32

Lealo singailerpoᴋ ernertârlunelo, atserarlugolo Rubenemik, oᴋarame: Nâlekab ajulernera takonârpâ; mâna uima nagliginiarpânga.

Genesis 30:22

Gûdiblo Rahele erᴋarpâ tussarlugolo, timingalo angmarpâ.

Genesis 8:1

Gudible Noa erᴋarpâ, ômajullo tamaita nergjutillo tamaita umiaᴋsoamioᴋatingit, anoremiglo anordlertitsivoᴋ nunab ᴋângagut, imaᴋsoarlo tinersoariarpoᴋ.

II Samuel 16:12

Imakkâ Nalekab ajulernera takkonârniarpa, pitsiarnermullo akkinniarlunga tapsoma oᴋarnerlotjininga uvlomênitak pivlugo.

Imgerut 25:18

Kappiaktoadlarnera pattanganeralo takkonârkik, issumagijungnaivigilungalo ajornimnit illunainit.

Exodus 4:31

Inuillo okpilerput; tusaramiglo Nâlekab Israêlikut takojartormagit, kapiasuktitauningillo takonârmagit, tagva okᴋungalerput opigosuklutik.

Salomob Okâl 31:2

Annerimajik, igvit timima ernerijanga, ernîk tussugidlalauktara!

Okaluktok 5:4

Gûde sunamik angervigileraigungne, tagva siglotonak nellautsitilugo; sillaitut ᴋuviagingimagit Angernerijat nellautsitiuk.

Leviticus 27:2

Israêlib ᴋitorngangit oᴋarvigikit, oᴋautilugillo: Inuit naliat angermarigune tunijomavlune nangminerminik, igvit inuit akkigijungnartangit Nâlekab sângane oᴋautigijaksarivatit.

Numbers 21:2

Israêlikullo angermarikput Nâlekamut, oᴋarlutik: Inôᴋatigêt tâpkoa tunijomagungne aggamnut, iglugasaksoangit asserormarigomavakka.

Numbers 6:11

Ajoᴋertuijûblo aipâ tunergutigijaksarivâ ajortoêrutiksamik, aipangalo tunergutiksamik ôtaksamik, tâpsoma ulapᴋosertauniksanganut, toᴋungajoᴋ pitjutigivlugo idluitulilaungmat, niaᴋonelo ivsornaititaksarivâ uvlorme tâpsomane.

Numbers 6:5

Angervigijame aglernermik uvlungit nâvlugit, kibjautik atortuksaungilak niaᴋunganut, uvlut, angerutigijane ingmigolingajomavlune Nâlekamut, nâmaksiᴋârtinagit, ivsornaidlartuksauvoᴋ, niaᴋome nujangit erᴋisulângajut takijororᴋojaksarivait.

Numbers 6:8

Ingmigôlingajomanime uvlungit nâvlugit ivsornaidlarpoᴋ Nâlekamut.

Idluarsaijut 11:30

Jeftablo Nâlegak angernermik angervigimarikpa, oᴋarlunelo: Ammonib ᴋitorngangit aggamnut tunniniarungne;

Idluarsaijut 13:5

Singailerniaravit, erniniarlutillo ernermik kipsautingnut pijaujuksaungitomik niaᴋunganut; nukapiak angerutaumajôniarmat Gûdemut, anâname timinganit; pigiarniarporlo Israelitit piulilugit Filisterit agganginit.

I Samuel 1:10

Tamnalo omamut kiksadlalaukpok, tuksiarporlo Nalekamut, ᴋugviorlunelo.

I Samuel 1:12

Akkunîllo tuksiarmat Nalekab sângane, Elib tapsoma ᴋanninga kamagiva.

I Samuel 1:19

Uvlâkullo parngnailerput, tuksiarlauᴋârdlutik Nalekab sângane, utterivut tikkilutiglo iglomingnut Ramatemut. Elkanablo nulliane uvineᴋattigilerpa, Nalekablo issumagiva.

I Samuel 1:22

Hanna majorarᴋattaulaungilak, oᴋarporle uiminut: Majorarᴋattaujomalungilanga nukapiak amâmagungnaiᴋârtinnago, tagva âtsomavara, Nalekab sângane sakᴋijarᴋovlugo, tagvanêtsainarᴋovlugolo sorairane.

I Samuel 1:27

Nukapiak una tuksiarutigilaurapko. Manna Nalekab tuksiaramnik tunnitsivigilaukpânga, tuksiaragilauktamnik tapsomangat.

I Samuel 1:28

Tamanna pivlugo tunnivara Nalekamut innôsinga nâlugo, Nalekamit tuksiarijaulaungmat. Tuksiarpullo tagvane Nalekamut.

I Samuel 2:20

Eliblo Elkana nulliangalo saimartipak oᴋarlunelo: Nalekab kinguvaksamik tunnitsivigilitit arnamit omangat, tuksiarnek pivlugo tuksiararilauktanga Nalekamit. Aivuglo innigijamingnut.