I Pêtrusib 1:3 - Labrador Inuttitut Heritage Bible

³ Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

I Pêtrusib 1:3 Iomraidhean Croise

I Atannit 8:15

Tamnalo oᴋarpok: Nâlegak Israelib Gûdingat nertortaule, kannerminut atâtamnut Davidemut oᴋalauktok, aggangminullo nellautsititsilauktok, oᴋalauktorlo:

I Kronika 29:20

Davidelo ilagêt ilûnamasianginut oᴋarpok: Nalegak Gûdise nertorsiuk! Ilagêllo ilûnamasiatik Nalegak atâtagijamik Gûdingat nertorpât, okᴋolutiglo opigilakillo Nalegak attannerlo;

II Kronika 31:8

Hiskialo angajoᴋaunerôjut illagilugit ittermat kattititaumajullo takkogamigit, tagva Nalegak innuᴋotingillo Israelitit nertorpait.

Imgerut 41:13

Nertortaule Nâlegak Israelib Gûdinga issoᴋangitomit issoᴋangitomut. Amen. Amen.

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Imgerut 86:5

Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

Exodus 34:6

Nâlegarlo ᴋângerpok sânganut, oᴋâlavorlo: Nâlegak, Nâlegak, Gûde, nâpkigosuktok saimajorlo, kamangitsertortok nagligosuktoksôjorlo, nalâgôrtoksôjorlo,

Jesaiase 26:19

Toᴋungajoᴋotitille ômaromârput, timivut anernangertut makkitsomârput. Tuppaleritse nertordlerluselo, ivjormiôjose! mitsuksoaᴋ illingnut (pijoᴋ) mitsuksoangongmat inûlinartoᴋ nuna toᴋungajunik saᴋᴋertitsijuksaugivoᴋ.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Johannese 1:13

Tâpkoa aungmit pingitut, uviniub pijomajanganillônêt, angutib pijomajanganillônêt, Gûdemille erniangomajut.

Rômiunut 12:12

Nerriukluse ᴋuviasugitse; ᴋenuersâritse kappiasuktitaujarangapse. Sorairase tuksiaritse.

Rômiunut 15:13

Gûdible nerriuktitsijub ilumertilise tamainik ᴋuviasungnermiglo ulapirsaumiglo okpernermut, nerriugijaksaᴋarmarerᴋovluse Anernerub ajunginerub pitsartuninganut.

Rômiunut 4:25

Tâmna tunijaumavoᴋ ajornivut pivlugit, tupaktitaungmijorlo idluarsijutiksaptingnut.

Rômiunut 5:10

Gûdemut ulapirsarsimagapta Erningata toᴋunganut, sulle ômisuktiluta, anginersamik tagva piulijaujomârpogut inôsinganut, mâna ulapirsartaugapta.

Rômiunut 8:11

Jêsusemigle toᴋungajunit tupaktitsijub Anerningata inigikpase, tagva tâpsoma Kristusemik toᴋungajunit tupaktitsijub ilipsetauᴋ timise toᴋojuksat ômartitsomârivait, Anerninga ilupsingnêngmat.

Rômiunut 8:24

Piulijaumagalloarapta, nerriungnermulle. Nerriugijarle takovlugo tamanna nerriungniungilaᴋ; ᴋanoᴋ inûb takojane nerriugijungnarpaûk?

I Korintemiunut 13:13

Mânale makkoa pingasut: okpernerlo, nerriungnerlo, naglingnerlo sokᴋoserniangilat. Naglingnerlo tamakkonangat anginerpauvok.

I Korintemiunut 15:20

Mânale Kristûse toᴋungajunit makisimavok, sivorlerpângovorlo sinisimajut akornganit.

II Korintemiunut 1:3

Nertortaule Gûde Nâlegaptalo Jêsusib Kristûsib Atâtanga, nâpkiniktoᴋsoaᴋ Atâta, tamainiglo manigoijoᴋ Gûde.

Galâtsiamiunut 6:16

Ilûnatigle oᴋautsinik makkoninga nâletsiartut, tâpkoa ullapirsauteᴋarlit nâpkigijauneᴋarlutiglo, Gûdiblo Israêlinga.

Efêsusemiunut 1:17

Nâlegapta Jêsusib Kristusib Gûdinganut, ânanaunerub Atâtanganut, tunitjivioᴋovluse Anernermik illisimanartomik nalonaititsijomiglo, tâmna (Kristuse) illitaritsiarlugo.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 2:4

Gûdible nâpkininingnermik akluitub naglingnersoarminut nagligilauramitigut,

Efêsusemiunut 3:20

Ajugaᴋangitorle piniarlune anginerpângojomik tamainit tuksiarniptingnit tukkisiniptingnillônêt, pitsartunermut iluptingne senajomut,

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

I Tessalônikamiunut 1:3

Issumagitsainarlugit piniarnise okpernermut, senaniselo naglingnermut, ᴋenuersârniselo nerriungnermut, Nâlegaptingne Jêsuse Kristûseme, Gûdib Atâtaptalo sângane.

I Tessalônikamiunut 4:13

Siniktunigle (toᴋungajunik) neloᴋojomangilapse, ᴋatangutivut, kiksarᴋonase assipsitut nerriugijaksaᴋangitutitut.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

I Timôteusemut 1:14

Nâlegaptale saimarsautâ angiluartoᴋsôlauᴋpok (uvamne), okpernerlo naglingnerlo Kristûse Jêsusemêtûk.

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Ebrêerinut 3:6

Kristusele Erniovlune (Gûdib) iglunganut nâlegauvoᴋ; iglunga tamadja uvagut, sungertûtiksaᴋ nerriungnerlo nertornautigijavut aulaijungnangeruptigik naggatânut.

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

I Pêtrusib 1:13

Tamanna pivlugo issumapsigut ᴋeterusersimatitse, udjertoritse, saimarsaullo tunergusiariniartase Jêsusib Kristusib tikiviksangane tattigivingniarsiuk,

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Pêtrusib 1:23

Ilipse erniangupsârsimajose kinguvâksamit asserorniartomiungitoᴋ asserojuitomille, Gûdib ômajub oᴋausingagut, issoᴋangitomut-itsomârtokut.

I Pêtrusib 2:2

Kipiniaritselo imungmik silatunilingmik akkusimangitomik, nutaᴋatitut erniangoᴋamertutitut, aglivalliaᴋovluse tamattomunga;

I Pêtrusib 3:15

Nâlegarle nertorsiuk ômatipsingne. Opalungairsimatsainaritsele akiorlugit ilûnaita ᴋaujititaujomajut nerriungnerijapse ilupsingnêtub tungaveᴋarninganik;

I Pêtrusib 3:21

Tamattomunga adsiutitauvoᴋ mattomane piulijigijavut baptijut; ubvautaungitoᴋ timib ipanganut, angeᴋatigêngniojorle issumame passijaksaungitome Gûdemelo, Jêsusib Kristusib makininganut;

I Pêtrusib 3:5

Taimaktauᴋ itsaᴋ arnat ipkoa ivsornaitut ingmingnik ânanautitsilauᴋput, Gûdemik tatteᴋarlutik uitiglo nâletsainarlugit.

I Johannesib 2:29

Kaujimagupsi idluartoᴋsôngmat, nalojungnairivosi, idluartomik piniartoᴋ tâpsomangat erniangongmat.

I Johannesib 3:3

Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.

I Johannesib 3:9

Gûdemit erniangojoᴋ idluitulingilaᴋ, karngautigimajut ôma (ômatinganut) tâpsomanêtsainarmatta, idluitulijungnangilarlo, Gûdemit erniangogami.

I Johannesib 4:7

Naglingnartosi, nagliktigêlauᴋta! naglingniᴋ Gûdemit pingmat; nagligosuktorlo Gûdemit erniangovoᴋ, Gûdelo illitarivâ.

I Johannesib 5:1

Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.

I Johannesib 5:18

Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.

I Johannesib 5:4

Gûdemit erniangojut ilûnatik silaᴋsûb inunginut ajugaungmatta; okpinivullo ajugauniovoᴋ silaᴋsûb inunginut.