I Kronika 5:2 - Labrador Inuttitut Heritage Bible

² Judale sôngojolauktok ᴋatangutime akkorngane atannionermik tunnitsiviolaukpok, Josefele erniangoᴋârnermik.)

I Kronika 5:2 Iomraidhean Croise

Genesis 25:31

Jakoble oᴋautivâ: Erniangoᴋârnît pissiarilaulago uvlome!

Genesis 35:23

Jakoble erningit 12ovut. Leab erningit: Ruben, erniangoᴋârtoᴋ Jakomut, Simeonelo Levilo Judalo Isassarelo Sebulonelo.

Genesis 48:5

Taimaimat ernîkik tâpkoa, Egipteneme ernertârijâkik, ilingnut tikkerᴋârtinanga Egiptenemut, nangminerijomavâkka; Efraimelo Manasselo Rubenetut Simeonetullo nangminerijomavâkka.

Genesis 49:26

Saimanartut atâtavit tunijangit pitsartunersauvut saimanartunit ᴋaᴋᴋat nutaungitut tunijanginit, ᴋaᴋᴋârulait aulajuitut allianarninginit. Josefib niaᴋoanut pilit, ᴋatangutingita akorngane attaniotijub kabjinganut!

II Samuel 8:15

Taimak Davide attanniolaukpok Israelitinut illunamasianginut, idluarnermiglo idluarsainermiglo saᴋᴋertitsivok innugatoksoarnut illunamasianginut.

I Kronika 28:4

Taimaigalloarmat, Nalekab Israelib Gûdingata annerilaukpânga atâtama iglomioᴋatinginit tamainit atannioᴋovlunga Israelitinut soraijuitomik. Judakut annerilaungmagit atannioᴋovlugit, Judakunillo atâtakukka atâtamalo erningita akkorngane uvanga ᴋuviagilaukpânga atanningortilunga Israelitit ilûnamasianginut.

Imgerut 108:8

Gilead perᴋutigivara, perᴋutigivara Mannasse, Efraimelo sapputsauviksauvok niaᴋumnut; Juda tunnijijigivara perᴋojanik.

Imgerut 60:7

Gilead perᴋutigivara, perᴋutigivara Manasse; Efraim sapputsauviksauvok niaᴋumnut; Juda tunnijijigivara perᴋojannik.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Numbers 2:3

Tangmârtertullo unane, seᴋiniub nuivinga sângalugo, Judakut tangmârvingata saimatinganut ilingajuksauvut, katimgajoᴋotitik maliklugit; Nahsonelo, Amminadab erninga, angajoᴋaujuksauvoᴋ Judakune.

Numbers 7:12

Nasoniblo, Amminadab erningata, kinguvârênut Judakunut ilingajûb, tunergutine tunivâ uvlut sivorlerpângane;

Mattêuse 2:6

Igvit Betlehem nuname Jûdêame, mingnerpângungilatit iglugasangnit assingnit Jûdêamêtunit; ilingnit pijomârmat Nâlegak inuᴋotiminut Israêlib kinguvânginut ataniojuksak.

Rômiunut 8:29

Sivorngagut illitarijane sivorngagut perᴋungmagittauᴋ, Ernerme adsiluanganik adseᴋarᴋovlugit, tâmna erniangoᴋârtôᴋovlugo ᴋatangutigêt unuktut akorngane.

Deuteronomy 21:17

Erniangoᴋârtorle, ômigijaujûb erninga, angârutigijaksarivâ, tunitjivigilugolo avgoângnik maggûngnik perᴋutiminit; tâmna sivorlerpaungmat nukinganit; tâpsomalo erniangoᴋârtûb idlugutarijangit pigivait.

Deuteronomy 33:17

Inornarninga tuktuvaub erniangoᴋârtungatun-ipok, tuktuvaublo nakjûgik nakjugivâk; tâpkungnunga inôᴋatigêksuit ilûnaita nakjumigaromârpait nunalo atausingortilugo, Efraimib inungit ten tausendit pivlugit, Manassiblo tausendingit tâpsoma pigivait.

Ebrêerinut 7:14

Jûdamit Nâlegavut nuisimangmat, nelonangimat, kinguvârêllo taipkoa (Jûdakut) Môsesib oᴋarvigilaungilait ajoᴋertuinerônermik,

Josua 14:6

Tagva Judab ᴋittorngangit ᴋaivut Josuamut Gilgaleme, Kaleblo Jefunib erningata Kenesikunit pijub oᴋautiva: ᴋaujimavotit kanoêtunik Nalekab oᴋauserilauktanginik, Mosesemut Gudib anguteᴋotinganut Kades-Barneame pivlunga, pivlutillo.

Takotitaunermik 5:5

Angajoᴋaunerôjullo illangata oᴋarvigivânga: ᴋugviornak; ahâk Loeve Jûdab kinguvânga, imna Dâvidib amânga, sâlaᴋarsimavok, aglait ukkua makperlugit, naᴋitjutingillo 7 it serᴋomidlugit.

Idluarsaijut 1:2

Nâlegak oᴋarpok: Judakut aulatsijuksauvut tamattominga. Ahâk, nuna tunnimavara agganginut.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 16:10

Tagva Isaib ernine 7 it sângagorᴋovait. Samuelele oᴋarpok Isaimut: Nalekab tapkoa nalliallonêt annerilaungila.

I Samuel 16:12

Tagva tilliklerpok tagvunga aijauᴋolugolo. Aupalangalaukporlo, ijitsiariklunelo, taututsiariklarmelo. Nalegarlo oᴋarpok: Atte! mingoarleruk, tamnauvok.