I Johannesib 5:6 - Labrador Inuttitut Heritage Bible

⁶ Tâmna tagva, tikitoᴋ imimiglo aungmiglo pivluni, Jêsuse Kristuse; imimik kissianeungitoᴋ, imimigli aungmiglo (pivoᴋ). Anernerlo tâmnauvoᴋ nalonaijaijoᴋ, Anerneᴋ miksiᴋârniongmat.

I Johannesib 5:6 Iomraidhean Croise

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Leviticus 17:11

Timib inôsinga aungmêngmat, tunivaralo ilipsingnut tunerguservingme ulapᴋutiksauᴋovlugo tarnipsingnut; inôsek pitjutigivlugo naliat auktortuksaungilak.

Saggaria 9:11

Igvillo ômât, auk ilingnut angerutaulauktok pitjutigilugo parngnanairsortaumajoᴋotitit aulartitsomârpakka itsarmit imeᴋangitomit.

Mattêuse 26:28

Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.

Mattêuse 3:16

Jêsuse baptitaugame, tuavidlune kôngmit ᴋakᴋivok; ahâglo, ᴋilak ᴋolâne angmalerpok. Johannesiblo Gûdib Anerninga takovâ, tingmiatut taubetut akᴋartok, Jêsusemullo pijok.

Markuse 14:24

Oᴋautivaillo: Tagva auga, Testamentitâb (aunga) kovijauniartoᴋ unuktut pivlugit.

Lukase 22:20

Taimâktauk ermgusiarsuk tigugiva, nerrijarêramik, oᴋarlunelo: Tagva Testamentitâk aumne, tâmna kovijauniarpok pivluse.

Johannese 14:17

Mikseᴋârnerub Anerninga, silaksoarmiut pijungnangitangat; takunginamitsuk ilitaringinamitsuglo. Ilipsele ilitarivase, ilagitsainarmase, ilipsingnêniarmallo.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 15:26

Manigoijorle tikitsomârpat, tilijomârtara ilipsingnut Atâtamit, mikseᴋârnerûb anerninga, Atâtamit anijok: tâmna kigligiutsiniarpok uvamnik.

Johannese 16:13

Ipsomale, mikseᴋârnerûb anerningata, tikikune, mikseᴋârnernut tamainut tesiorniarpâse. Ingminik oᴋâlanianginame; tusartaminigle oᴋautjiniarpok, pijomârtomiglo oᴋautiniarpâse.

Johannese 3:5

Jêsusib kiovâ: Âhamarik, âhamarik oᴋaupâgit: Erniangongitok imermut Anernermullo, Gûdib nâlegauvinganut pijungnangilak.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Johannese 6:55

Uviniga ilâ nerᴋiksaungmat, augalo ilâ imiksauvlune.

Apostelit Piniarningit 8:36

Ingergaramiglo imeᴋartomut tikipuk; pimaklertelo oᴋarpok: Ahâk, imek tagga, suna agviarᴋâ baptitauᴋonangâ?

Rômiunut 3:25

Tâmna Gûdib saᴋᴋertilauᴋpâ saimauservioᴋovlugo okpernermut tâpsoma aunganut, idluarneᴋ sâmine nâmagijaujoᴋ nalonairomavlugo, issumagijungnairamigit ajornerit sivorngagut pilauktut, Gûde ᴋenuêsertortilugo;

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Kolossamiunut 1:4

Okpernipsingnik Kristûse Jêsusemut, nagligosungnermiglo ivjornaitunut tamainut, tussaumagapta;

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Titusemut 3:5

Idluartulinerit pinialauktavut pitjutiginagit, nâpkigosungnerminulle tâpsoma piloriktilaukpâtigut, erniangupsârnerub ubvautânut, Anernerublo ajunginerûb nutângortitsininganut,

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

Ebrêerinut 12:24

Pijitsertomullo Testamentetâmik Jêsusemut, aungmullo serparsautiksamut, ajunginersamik oᴋâlajomut Abelib (aunganit).

Ebrêerinut 13:20

Gûdible ullapirsaijub, toᴋungajunit anititsijub Nâlegaptingnik Jêsusemik, saukat mianerijersoanganik, Testamentib issoᴋangitub aunganut,

Ebrêerinut 9:14

Anginersavaksôjomik tagva Kristusib aungata (ivsornartoᴋarane ingminik Gûdemut tunigame, Anerneᴋ ajungineᴋ issoᴋangitoᴋ pitsartutigilugo) epᴋêjarpait issumavut piniarnernit toᴋonartunit, Gûdemik ômajomik kivgartorᴋovluta.

Ebrêerinut 9:7

Aipânulle (ivsornainerpâmut) ajoᴋertuinerôjoᴋ kissime atausiardlune jâreme itilauᴋpoᴋ, aungmik neksarlune kissiane, tunergutiksaujomik nangminine, inuillo tamarᴋattarningit pivlugit.

I Pêtrusib 1:2

Anerimajut, Gûdib Atâtab sivorngagut issumasimaninganut, Anernerub ivjornaititsininganut, nâleᴋovlugit, serparsartauᴋovlugillo Jêsusib Kristusib aunganut: Gûdib saimarlise ullapᴋoserliselo aglivalliajomik.

I Pêtrusib 3:21

Tamattomunga adsiutitauvoᴋ mattomane piulijigijavut baptijut; ubvautaungitoᴋ timib ipanganut, angeᴋatigêngniojorle issumame passijaksaungitome Gûdemelo, Jêsusib Kristusib makininganut;

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.