I Johannesib 5:20 - Labrador Inuttitut Heritage Bible

²⁰ Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

I Johannesib 5:20 Iomraidhean Croise

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Mattêuse 13:11

Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Lukase 24:45

Tagva nalojungnaitipait, aglangnik tukkisilerᴋovlugit.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Johannese 10:30

Uvangalo Atâtalo atausiovoguk.

Johannese 14:20

Uvlorme taipsomane tukkisiniarpose, Atâtamnênama, ilipselo ilumnênapse, uvangalo ilupsingnênama.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 14:9

Jêsusib oᴋautivâ: Taimâk sivitutigijomik najorpapse, ilitaringilarmalô? Filippûse, uvamnik tautuktub Atâta tautukkivâ. Sôkle oᴋarᴋêt: Atâta takotitsuk uvaptingnût?

Johannese 15:4

Ilumnêtsainaritse, uvangalo ilupsingnêdlunga. Sôrlo Akᴋerok paungaᴋarungnangimat ingminik, napârtomêtsainangikune vaineliksame; taimainivosetauk, ilumnêtsainangikupse.

Johannese 17:14

Oᴋautsitit tunilaukpakka tâpkonunga, silaksoarmiullo ômigivait; ilagingimatigik, sôrlo uvanga silaksoarmiut ilaginginapkittauk.

Johannese 17:25

Idluartok Atâtak, silaksoarmiut ilitaringilâtit; uvangale ilitarivagit, tâpkoalo ilitarsivut tililauramga.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 20:28

Tômasib kiovâ oᴋautivlugolo: Nâlegara Gûdigalo!

Johannese 8:42

Jêsusib oᴋautivait: Gûde atâtagigupsiuk, nagliginajarpapsinga; anilaurama, Gûdemillo pilunga; uvamnik ᴋailaunginama, tâpsoma tilivânga.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

Rômiunut 9:5

Tâpkoa atâtagivait sivorlît, tâpkonangat Kristuse uvinikut tikisimavoᴋ; tâmna tamainut Gûdeovoᴋ, nertortaujoᴋ issoᴋangitomut. Amen.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

II Korintemiunut 5:17

Taimaimat, Kristûsemêtoᴋarpat, tâmna nutângortitauvoᴋ; pitoᴋaᴋ itsungnairpoᴋ, ilûnane nutângorsimavoᴋ.

Efêsusemiunut 3:18

Ivsornaitut tamaita illagilugit illitarsijungnarᴋovluse silingnermik, takinermiglo, itinermiglo kingingnermiglo;

Filippimiunut 3:9

Tâpsomane naipitaujomavlunga, idluarsineᴋarᴋonanga perᴋojanit pijomik, okpernermille Kristusemut pijomik, idluarsinermik Gûdib ilingatitanganik okpernermut;

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Ebrêerinut 1:8

Ernerle pivlugo oᴋarpoᴋ: Gûde, iksivautat issoᴋangitomit issoᴋangitomut itsainarpoᴋ; nâlegauvikpît ajaupianga opigijaujutiksaᴋ naggojôvlune opigijautiksauvoᴋ.

I Johannesib 2:23

Ernermik missiarutijijoᴋ Atâtamiktauᴋ piᴋanginivoᴋ; Ernermigli kigligiutjijoᴋ Atâtamiktauᴋ piᴋarivoᴋ.

I Johannesib 2:24

Tussalauᴋtasili pigiarnirmit ilipsingnêtsainarlit. Pigiarnimit tussalauᴋtasi ilipsingnêtsainarpatta, tagva ilipsi Ernerme Atâtamelo itsainarniarivosi.

I Johannesib 2:6

Tâpsomanêtsainardluni oᴋartoᴋ, arvirtartuksaugivoᴋ, sorlo tâmna (Jêsuse) arvitalaungmat.

I Johannesib 4:14

Takolauᴋpogut kigligiutsivogullo, Atâtab Erneᴋ tililaungmago piuliklitioᴋovlugo silaᴋsoarmiunik.

I Johannesib 4:16

Gûdiblo naglingninga uvaptingnut ᴋaujimavlugo okpirivavut. Gûde naglingniovoᴋ, naglingnimêtsainartorlo Gûdemêtsainarpoᴋ, Gûdelo tâpsomanêpoᴋ.

I Johannesib 4:2

Tamattomangat Gûdib Anerninga illitarisiuk: Anernerit ilûnatik Jêsuse Kristusemik uvinikut tikitomik kigligiutsijut, Gûdemit pivut;

I Johannesib 5:1

Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.

I Johannesib 5:15

Kaujimagaptalo, tussângmatigut, sumiglônêt ᴋinugupta, ᴋaujimavogut, pijomajavut tâpsomangat pingmigaptigo.

I Johannesib 5:18

Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.

I Johannesib 5:5

Silaᴋsûbli inunginut kina ajugauvâ, kissimi Gûdib Jêsuse erneringmago okpertoungitôᴋ?

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata:

Takotitaunermik 3:7

Illagêt Filadelfiamiut Engelingat aglagvigiuk: Imâk oᴋarpok Hailigeojok, mikseᴋârtok, Dâvidib pêrutânik peᴋartok; palangairutjârsijorlo naliata palangairungnangitanganik; palangairsijorlo naliata palangairutjârungnangitanganik.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?