I Johannesib 5:11 - Labrador Inuttitut Heritage Bible

¹¹ Tamadjalo kigligiutsiniᴋ, inôtsimik nâksaungitomik Gûdib tunitsivigingmatigut; inôsilo tamanna Erninganêpoᴋ.

I Johannesib 5:11 Iomraidhean Croise

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Johannese 1:19

Tamadja Johannesib kigligiutjininga, Jûdit tiliklermatta Jerûusalemit ajoᴋertuijunik Lêvitiniglo, aperijauᴋovlugo: Kinauvêt?

Johannese 1:4

Inôsek tâpsoma iluanêpok; inuillo inôsek ᴋaumanerivât.

Johannese 10:28

Inôtsemiglo nungusuitomik tunitsivigivakka, aserorniatsangilallo, arᴋtaijoᴋarniangilarlônêt tâpkoninga aggamnit.

Johannese 12:50

ᴋaujimavungalo perᴋojanga inôgutaungmat nungusuitok. Taimaimat oᴋauserijakka taimâk oᴋauserivakka, sôrlo Atâtab oᴋautilaungmanga.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 19:35

Tamattomingalo tautuktub kigligiutjutigilaukpâ, kigligiutjiningalo mikseᴋârtôvok, tâmnalo ᴋaujimavok, mikseᴋârnermik oᴋarame, okpilerᴋovluse.

Johannese 3:36

Erninganut okpertok nungusuitomik inôseᴋarpok. Erninganut okpingitub inôsek takoniangilâ, Gûdible ningausingata ᴋolangiangînarpâ.

Johannese 4:36

Kibluijorlo akkilertauniksarsivok, katersilunelo perortunik inôtsemut nungusuitomut, ᴋuviasuᴋatigêngniarlutiglo karngasuijok kibluijorlo.

Johannese 4:4

Nunale Samâria apᴋotigijariaᴋarpâ.

Johannese 5:21

Sôrlo Atâtab toᴋungajut tupaktingmagit, ômartilugillo, taimâk Erningatauk ômartitsivok pijomajaminik.

Johannese 5:26

Sôrlo Atâta inôseᴋarmat ingmine, taimâktauk Ernine tunitjivigivâ inôseᴋarᴋovlugo ingmine.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Johannese 6:47

Âhamarik, âhamarik, oᴋaupapse: Uvamnut okpertok, nungusuitomik inôseᴋarpok.

Johannese 6:68

Tagva Sîmonib Pêtrusib kiovâ: Nâlegak, namût aijuksauvitâ? Igvit oᴋauseᴋarpotit nungusuitomik inôgutilingnik.

Rômiunut 5:21

Sorlo ajorneᴋ ataniotilaungmat toᴋokut, taimaktauᴋ saimaneᴋ atanioterᴋovlugo idluarsititsinikut inôtsemut nâksaungitomut (pititsivlune), Jêsuse Kristusikut Nâlegaptigut.

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

I Timôteusemut 1:16

Taimaimalle nâpkigijaulerpunga, Jêsuse Kristûse sakᴋertitserᴋovlugo ᴋenuersârnerminik, piluartomik uvamne, igjaraksaulerᴋovlunga okperomârtunut tâpsomunga inôseᴋarniardlutik issoᴋangitomik.

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

I Johannesib 2:25

Tamadja angininga, uvaptingnut inôtsimik nâksaungitomik (tunitsivigijomavluta) angimat.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

I Johannesib 4:9

Mattomunga Gûdib naglingninga uvaptingnik saᴋᴋisimavoᴋ, Gûdib Ernituane tililaungmago nunamut, uvagut tâpsomûna inôᴋovluta.

I Johannesib 5:10

Gûdib Erninganut okpitub kigligiutsiniᴋ tamanna ilumiutarivâ. Naliata Gûde okpiringikuniuk, saglotunirarpâ, kigligiutsiniᴋ okpiringinamiuk, Gûdib kigligiutsininga ernerminik.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

I Johannesib 5:7

Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.

III Johannesib 1:12

Demêtriuse (ajungitomik) oᴋautigijauvoᴋ tamainut, mikseᴋârnermullo nangmineᴋ; uvagullotauᴋ kigligiutsigivogut, ilipselo ᴋaujimavose, kigligiutsinivut okpernarmat.

Jûdasib 1:21

Gûdiblo naglingninganêtsainaritse, nerriugilugolo Nâlegapta Jêsusib Kristûsib nâpkiningninga inôtsemut nâksaungitomut.

Takotitaunermik 1:2

Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.