I Johannesib 4:9 - Labrador Inuttitut Heritage Bible

⁹ Mattomunga Gûdib naglingninga uvaptingnik saᴋᴋisimavoᴋ, Gûdib Ernituane tililaungmago nunamut, uvagut tâpsomûna inôᴋovluta.

I Johannesib 4:9 Iomraidhean Croise

Genesis 22:2

Oᴋautivâlo: Isaaᴋ ernituat, nagligijat tiguleruk ailutillo nunamut Moriamut, taikanelo ôtaksamik tunergutautileruk ᴋaᴋᴋat illangane, oᴋautiginiartamne illingnut.

Imgerut 2:7

Illusek taimaitok oᴋâlautigijomavara, Nalekab oᴋautilaungmanga: Ernerivagit uvlome ernetârivagit.

Markuse 12:6

Sulle ernetauᴋarpoᴋ nagligijaminik; tâmna kingorliotilerdlugo tiligiva taipkonunga, oᴋarlune: Ernera ileraginiarpât.

Lukase 4:18

Nâlekab Anerningata najorpânga, taimaimat mingoalaukpânga, tililarmalo oᴋautsinik tussarnertunik oᴋâlaᴋovlunga aklujunut, inûliklerᴋovângalo serᴋomisimajunik ômatilingnik, parngnanairsimavingmêtullo aniviksanginik ᴋaujitilugit, tautungitullo tautulerᴋovlugit, kappiasuktullo kappiasugungnairᴋovlugit ajorungnairᴋovlugillo,

Johannese 10:10

Tigliktok ᴋailerpangilak, kisiane tiglingnigomavlune, toᴋotsijomavlunelo, aseroijomavlunelo.

Johannese 14:6

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Johannese 3:16

Imâk Gûdib silaᴋsoarmiut nagligivait, Ernetuane tunilugo, ilûnnatik okpertut tâpsomunga asioᴋonagit, nungusuitomigle inôguteᴋarᴋovlugit.

Johannese 3:18

Tâpsomunga okpertok erᴋartortauniangilak; okpingitorle erᴋartortaujarêrpok; Gûdib Ernetuangata atinganut okpinginame.

Johannese 5:23

Ernek ilûnainut nâlektauᴋovlugo, sôrlo Atâta nâlengmatsuk. Ernermik nâlengitok Atâtamiktauk nâlenginivok tilijinganik.

Johannese 6:29

Jêsusib kiovait oᴋautivlugillo: Tamadja Gûdib piniarᴋojanga, okperluse tâpsomunga tilijanganut.

Johannese 6:51

Uvanga ᴋakᴋôjauvunga ômanartok, ᴋilangmit tikitok. ᴋakᴋôjamit tamattomangat nerriniartok, inôniarpok isoᴋangitomut. ᴋakᴋôjarlo tuniniartara, uvinigivara, tuniniartara, silaᴋsoarmiut inôᴋovlugit.

Johannese 6:57

Sôrlo Atâtab ômajub tilingmanga, uvangalo inôgama Atâta pivlugo: taimâktauk uvamnik nerrijok inôniarivok pivlunga.

Johannese 8:29

Tilijimalo ilagivânga, Atâtab kisimauᴋungilânga; piniatsainarama ᴋuviagijanganik.

Johannese 8:42

Jêsusib oᴋautivait: Gûde atâtagigupsiuk, nagliginajarpapsinga; anilaurama, Gûdemillo pilunga; uvamnik ᴋailaunginama, tâpsoma tilivânga.

Johannese 9:3

Jêsusib kiovait: Tâmnalônêt, angajoᴋâgiglônêt idluitulilaungilat; Gûdible piniarningit sakᴋertitaulerᴋovlugit tâpsomane.

Rômiunut 8:32

Tâpsoma Ernine aglât ivlerinago tamaptale pivluta tunidlalauramiuk, tâmna illagilugo tamainik tunitsiviginajangilâtigût?

Ebrêerinut 1:5

Engelit nelianut oᴋarsimanermât: Ernerivagit, uvlome ernertârivagît? Imâglo: Atâtaginiarpânga, uvangalo erneriniarivarâ?

I Johannesib 3:16

Tamattomangat naglingiᴋ nalojungnairpavut, inôtsiminik tunijilaungmat pivluta. Uvaguttauᴋ inôsivut tunijaksarigivavut ᴋatangutit pivlugit.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

I Johannesib 4:16

Gûdiblo naglingninga uvaptingnut ᴋaujimavlugo okpirivavut. Gûde naglingniovoᴋ, naglingnimêtsainartorlo Gûdemêtsainarpoᴋ, Gûdelo tâpsomanêpoᴋ.

I Johannesib 5:11

Tamadjalo kigligiutsiniᴋ, inôtsimik nâksaungitomik Gûdib tunitsivigingmatigut; inôsilo tamanna Erninganêpoᴋ.

I Johannesib 5:13

Tamattominga aglagvigilauᴋpapsi okpertosi Gûdib Erningata attinganut, ᴋaujimaᴋovlusi, nâksaungitomik inôsiᴋarapsi, okpiᴋovluselo Gûdib Erningata attinganut.