I Johannesib 4:6 - Labrador Inuttitut Heritage Bible

⁶ Uvagut Gûdemit pivogut; Gûdemik illitarsijub tussâgôrpâtigut; Gûdemit pingitub tussâgôngilâtigut. Tamattomangat miksiᴋârnirub Anerninga, Anernerlo tamartitsijoᴋ illitarilipavut.

I Johannesib 4:6 Iomraidhean Croise

II Kronika 18:21

Tamna oᴋarpok: Aularomavunga, annerniôjomalungalo nallagongitok, tapsoma nallautaijoᴋotingita illunatik ᴋanningine. Tamnalo oᴋarpok: Tilliorniarpat, sullidlarniarlutillo, aularit taimailiorlutillo.

Jesaiase 29:10

Nâlekab anerneᴋ sinningnartoᴋ kovingmago illipsingnut, ijiselo (tagva:) nallautaijut mattulugit niaᴋoselo (tagva:) takkotitjuteᴋartut ulliklugit.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Hosea 4:12

Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Migga 3:8

Uvangale ilumertaudlarpunga pitsartunermik Nâlekab anerninganut, idluarsainermiglo, sôngonermiglo, Jâkomut nalonaijaiᴋovlunga tapaninganik, Israêlemullo idluitulininganik.

Lukase 10:22

Tunitjiviovunga tamainik Atâtamnut. Ernerublo kinauninganik ᴋaujimajoᴋangilak, Atâta kisSîme ᴋaujimavok; Atâtablo kinauninganik ᴋaujimajoᴋanginivok, Erneᴋ kisSîme, Ernerublo nelojungnaititsomajangit nelunginivut.

Johannese 10:16

Sule asinginik saugaᴋuteᴋarpunga iglomit tamattomangat pingitunik. Tâpkoalo tamaunga pititsariaᴋarpakka, nipigalo tusaromârpât, atautsimêlutiglo katimgajomârput, atautsemiglo mianerijeᴋarlutik.

Johannese 10:27

Saugaᴋotima nipiga tusarpât ilitarivakkalo; malikpângalo.

Johannese 10:3

Tâmna itertarviub idjertortingata upkuêrutivâ, saugallo nippinga tussarpât, saugaᴋotinelo ᴋaiᴋovait, atingit taivlugit, anitilaitalo.

Johannese 13:20

Âhamarik, âhamarik oᴋaupapse: Illaliortok tiliniartamnik, uvamnik illaliorpok; uvamnigle illaliortub tilijiga illaliorpâ.

Johannese 14:17

Mikseᴋârnerub Anerninga, silaksoarmiut pijungnangitangat; takunginamitsuk ilitaringinamitsuglo. Ilipsele ilitarivase, ilagitsainarmase, ilipsingnêniarmallo.

Johannese 15:26

Manigoijorle tikitsomârpat, tilijomârtara ilipsingnut Atâtamit, mikseᴋârnerûb anerninga, Atâtamit anijok: tâmna kigligiutsiniarpok uvamnik.

Johannese 16:13

Ipsomale, mikseᴋârnerûb anerningata, tikikune, mikseᴋârnernut tamainut tesiorniarpâse. Ingminik oᴋâlanianginame; tusartaminigle oᴋautjiniarpok, pijomârtomiglo oᴋautiniarpâse.

Johannese 18:37

Tagva Pilâtusib oᴋautivâ: Taimaimat ataniogalloarᴋêt? Jêsusib kiovâ: Nelâgut oᴋarpotit, ataniovunga. Tamanna pivlugo erniangovunga silaksoarmullo tikilunga, kigligiutjerᴋovlunga mikseᴋârnermik. Mikseᴋârnermit pijub nipiga tusarpâ.

Johannese 20:21

Tagva Jêsusib ama oᴋautivait: Ulapirsauteᴋaritse! Sôrlo Atâtab tilingmânga, taimâk tilivapse.

Johannese 8:19

Tagva oᴋautivât: Atâtat nanêᴋâ? Jêsusib kiovait: Uvamniglônêt, Atâtamiglônêt ilitarsingilase; uvanga ilitarigupsinga, Atâtagatauk ilitarinajarivase.

Johannese 8:23

Oᴋautivaillo: Ilipse mângat pivose, uvanga takpângat pivunga; ilipse silaᴋsoarmit tamattomangat pivose, uvanga silaᴋsoarmit tamattomangat pingilanga.

Rômiunut 1:1

Pauluse Jêsusib Kristusib kivganga, perᴋojaumajoᴋ Apostelioᴋovlugo, anerimajoᴋ oᴋâlaᴋovlugo oᴋautsinik tussarnertunik,

Rômiunut 11:8

Sorlo aglaksimangmat: Nâlekab anerneᴋ siningnartoᴋ kovingmago ilipsingnut, ijiselo nalautaijut mattulugit, niaᴋoselo takotitjuteᴋartut uliklugit.

I Korintemiunut 14:37

Nelautaijônasugijoᴋarpat, anernelionasugijokarpallônêt, tâmna ᴋaujilerle, aglaktakka ilipsingnut Nâlekab perᴋojaringmagit.

II Korintemiunut 10:7

Kalineᴋ kissiat takunârpisiûk? Neliat tatteᴋarune perᴋutaunine Kristûsemut pitjutigilugo, tâmna issumaᴋarletauᴋ ingmine, sôrlo nangmineᴋ perᴋutaungmat Kristûsemut, taimâktauᴋ uvagut perᴋutaugapta Kristûsemut.

II Tessalônikamiunut 1:8

Ikomame ikoalajome, akkivigijartorlugit Gûdemik ᴋaujijomangitut, oᴋautsiniglo tussarnertunik Nâlegavut Jêsuse Kristuse pivlugo nâlagomangitut.

I Timôteusemut 4:1

Anernerle tukkisinartomik oᴋarpok, neliutut kingorlingine ilangit okpernermit katangniaromârmatta, ungajomârmattalo anernernut uivêriklertunut, Sâtanasiblo ajoᴋertûsinginut.

II Pêtrusib 3:2

Erkailerᴋovluse oᴋautsinik mattoma sivorngagut nelautaijunut ivjornaitunut oᴋautigijaujunik ilipsingnut; perᴋojaptingniglo, uvagut Nâlekab Piulijipta Aposteligijâtigut.

I Johannesib 4:1

Naglingnartosi aninirit ilûnaita okpirinasigik, aninirilli ôktorsigik, Gûdemit pingmangâtâ; nalautaijut nalangaitut unuktoksuit aimangmatta silaᴋsoarmut.

I Johannesib 4:4

Kitorngârsuit, Gûdemit pivosi, taipkoningalo sâlaᴋarposi; ilupsingnêtoᴋ anginisaungmat silaᴋsoarmêtomit.

I Johannesib 4:8

Naglingitub Gûde illitaringilâ; Gûde naglingniongmat.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

Jûdasib 1:17

Ilipsele, erdlingnartose, oᴋautsit ipkua erᴋarsigik, Nâlegapta Jêsusib Kristûsib Apôstelingita sivorngagut oᴋauserijangit;