I Johannesib 3:8 - Labrador Inuttitut Heritage Bible

⁸ Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

I Johannesib 3:8 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Jesaiase 27:1

Taipsomane Nâlekab pidlariartoromârpak leviâta, ᴋuglugiaᴋsoangojoᴋ sukkalidlartoᴋ, leviâtalo, ᴋuglugiaᴋsoangojoᴋ niungajoᴋsoaᴋ, saviksoarmigut sittijokut, angijokut, sôngojokut, toᴋotsomârpâlo imarbiub ômajoâlua.

Numbers 21:9

Moseselo ᴋuglugiangoaliorpoᴋ ᴋaᴋorlermit, napautilugolo napajomut: inûblo kêjaujûb ᴋuglugiarmut ᴋuglugiangoaᴋ ᴋaᴋorliojoᴋ takonârmago inôvoᴋ.

Mattêuse 12:28

Sâtanasille Gûdib Anerningagut anitikupkit, Gûdib nâlegauviata tagva tikisimavâse.

Mattêuse 13:38

Perorsêvik tagva silaksoak. Perornitsiariktut tagva nâlegauvingme ᴋitorngaujut. Perornerluktut tagva ajortub ᴋitorngangit.

Mattêuse 4:3

Oktortublo Sâtanasib tikipâ oᴋautivlugolo: Gûdib ernerikpatit, ujarᴋat ukkua oᴋautikit, ᴋakᴋôjaulerᴋovlugit.

Markuse 1:24

Adjai! suliniarpitâ ilingnut, Jêsuse Nazaremiôk? asseroriartorpaptigut; kinaujotit ᴋaujimagapkit, Gûdib ivsornaitoᴋotigingmatit.

Lukase 10:18

Oᴋautivaille: Sâtanase takolauralloarpara kataktok ᴋilangmit, sorlo ᴋaumalâk.

Johannese 12:31

Mâna silaksoarmiut erᴋartortaunermut tikitaulerput, mâna silaᴋsûb tamattoma ataninga anititauniarpok.

Johannese 16:11

Erᴋartuinek pivlugo, silaksûb mattoma ataninga erᴋartortaungmat.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

Efêsusemiunut 2:2

Tamakkoa atorlugit mattoma sivorngagut silaᴋsûb tamattoma ilusingit malilauᴋpase, ataneᴋ silame ataniotijoᴋ nâleklugo, tagva anerneᴋ naliutome tamattomane okpinginerub ᴋitorngangine piniarveᴋartoᴋ.

Kolossamiunut 2:15

Nâlegauvîllo pitsartujoksuillo sakkuêlaukpait, sakᴋertilugillo ilûnatik takoane, ajugaujotit aulartinamigit nangminermigut.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Ebrêerinut 2:14

Taimaimat, sorlo sorutsit uvineᴋarlutiglo auᴋarmatta, tâmna ukkutitunaᴋ tamakkoninga illangiusimavoᴋ, toᴋominut pitsartuerutijomavlugo toᴋub pitsartuninganik peᴋartoᴋ, tagva Sâtanase,

Ebrêerinut 9:26

Taimaikune âniatitauᴋattarajalauᴋpoᴋ silaᴋsûb pigiarninganit. Mânale silaᴋsûb naggatâne atausiardlune saᴋᴋerpoᴋ, ajornerit pêjariartorlugit, ingminik tunivlune.

II Pêtrusib 2:4

Engelit idluitulilauᴋtut Gûdib pidlartaulilaunginamigit, tâᴋtoᴋsûble ᴋelaumgujanginêdlutik Sâtanaseᴋarvingmut ajaktordlugit pitilauramigit, ᴋimergutauᴋovlugit erᴋartuiviksamut;

I Johannesib 1:2

Inôsilo saᴋᴋijârsimavoᴋ, uvagullo takolauᴋpogut kigligiutsilaptalo oᴋâlavigivapsi inôtsimik naggatiᴋarniangitomik, Atâtamêlauᴋtomik, uvaptingnullo saᴋᴋitomik.

I Johannesib 3:10

Tamattomangat nalonarungnairpoᴋ, Gûdib ᴋitorngangit, Sâtanasiblo ᴋitorngangit nalîngongmangâta: idluartomik pingitoᴋ Gûdemit pingilaᴋ, ᴋatangutiminiglo naglingitoᴋ.

I Johannesib 3:5

Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.