I Johannesib 3:5 - Labrador Inuttitut Heritage Bible

⁵ Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.

I Johannesib 3:5 Iomraidhean Croise

Hosea 14:2

Oᴋausikka neksarsigik, uteritselo Nâlekamut, oᴋautisiuk: Ajornerit tamaita pêjalaukit, saimarsartigullo; taimaglo tunitjijomavogut ᴋangasinâpta paunganginik.

Mattêuse 1:21

Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.

Lukase 23:41

Uvaguglo pitlartaujariaᴋaramnuk, idluitulilauramnuk; tâmnale idluitulilangilak.

Lukase 23:47

Angajoᴋâble iliortoᴋalauktut takogamigit, Gûde nakoridlarpâ, oᴋarlunelo: Âhamarik, angut tâmna idluartôlauktok!

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 1:31

Ilitarilaungilaralo; Israêlekunulle ilitarijaulerᴋovlugo, tamanna pivlugo baptisijartorpunga.

Johannese 14:30

Mattoma kingorngane unuktunik oᴋauseᴋarniarungnairpunga ilipsingnut; silaksûb tamattoma ataninga tikilermat peᴋaranelo uvamne.

Johannese 8:46

Nelipse akunapsingne ajornermik passijungnarpângâ? Mikseᴋârnermigle oᴋâlaguma ilipsingnut, sôk okperingilapsingâ?

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

I Timôteusemut 1:15

Oᴋausek okpernartoᴋsôjok tamadja, angijomik nâleluariaᴋarnek, Kristûse Jêsuse nunamut tikingmat idluitulijut piulijartorlugit, tâpkonangat uvanga anginerôjunga.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 4:15

Ajoᴋertuinerôjoᴋanginapta ilapsugosugungnangitomik ajulerniptingnik, ilûnânele ôktortaumajomik uvaptitut, ajorneᴋaranele.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Ebrêerinut 9:26

Taimaikune âniatitauᴋattarajalauᴋpoᴋ silaᴋsûb pigiarninganit. Mânale silaᴋsûb naggatâne atausiardlune saᴋᴋerpoᴋ, ajornerit pêjariartorlugit, ingminik tunivlune.

Ebrêerinut 9:28

Taimaktauᴋ Kristuse atausiardlune tunergutautitaumavoᴋ unuktoᴋsuit idluituliningit pêjarlugit. Aipânigle saᴋᴋeromârpoᴋ ajortolionane neriuktunut tâpsominga, piulijaujutiksauvlune.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

I Pêtrusib 1:20

Tâmna sivorngagut issumaksarsiorutaumalauralloarpoᴋ silaᴋsoaᴋ tunganilijauᴋârtinago, saᴋᴋersimajorle neliunerit kingorlingine pivluse, tâpsomûna okpertose Gûdemut;

I Pêtrusib 2:22

Tâmna idluitulilautsangilaᴋ, uivêriklernermiglo ᴋaningane naipitaujoᴋalaungilaᴋ.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

I Johannesib 1:2

Inôsilo saᴋᴋijârsimavoᴋ, uvagullo takolauᴋpogut kigligiutsilaptalo oᴋâlavigivapsi inôtsimik naggatiᴋarniangitomik, Atâtamêlauᴋtomik, uvaptingnullo saᴋᴋitomik.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 2:1

Kitorngârsukka, tamakkoninga aglagvigivapsi, idluituliᴋonasi. Idluitulijoᴋarpallo, tuksiarutjiᴋarpogut Atâtami, Jêsuse Kristusemik idluartôjomik.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

I Johannesib 2:29

Kaujimagupsi idluartoᴋsôngmat, nalojungnairivosi, idluartomik piniartoᴋ tâpsomangat erniangongmat.

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,