I Johannesib 3:3 - Labrador Inuttitut Heritage Bible

³ Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.

I Johannesib 3:3 Iomraidhean Croise

II Samuel 22:27

Ivsornaitune ivsornaipotit, mumiksimajune mumiksimavotit.

Mattêuse 5:48

Tamanna pivlugo nâmaksileritse, sorlo Atâtase ᴋilangmêtok nâmamaringmat.

Lukase 6:36

Tamanna pivlugo nâpkinigitse, sôrlo Atâtase nâpkiniktôngmat.

Johannese 17:19

Tâpkoa pivlugit ivjornailivunga, tâpkoatauk ivjornailerᴋovlugit mikseᴋârnerme.

Apostelit Piniarningit 15:9

Adsigêngitomiglo uvaptingnut tâpkonungalo pititsilaungilak, ômatingillo sujungaitilaukpait okpernermut.

Rômiunut 15:12

Amatauᴋ Jesaiase oᴋarivoᴋ: Amâᴋaromârpoᴋ Jessemit pijomik, nutaijoᴋtoᴋaromârlunelo ataniotijuksamik nalojunut; tâmna nalojut nerriugijomârpât.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Kolossamiunut 1:5

Nerriugijaksak pivlugo, ᴋomergutaumajok ilipsingnut piksauvlune ᴋilangme, sivorngagut tussalauktase oᴋautsitigut tussarnertutigut mikseᴋârtutigut.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

Titusemut 3:7

Uvagut tâpsoma saimarsautânut idluartitaumalertogut, nerriungnermut kingormgujijuksauᴋovluta inôtsemik nâksaungitomik.

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.

Ebrêerinut 6:18

Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

I Pêtrusib 1:15

Tâmnale ivjornaitoᴋsôjoᴋ ilipsingnik ᴋairᴋojijoᴋ maliklugo ilipsetauᴋ ivjornaititse arvertarnipsingne ilûnâne.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

II Pêtrusib 1:4

Tamattomûna angnerpângojunik pivianartoᴋsoarniglo angerviovogut, imâk, tamakkonunga illangiutititaulerᴋovluse Gûdioninganik, silaᴋsoarmêtut ikliguningit asserornartut ᴋemakupsigik.

II Pêtrusib 3:14

Tamanna pivlugo nagliktakka, tamakkoa nerriugigapsigik, ataruilititse ivsornartoᴋarᴋonase, pidlaraksauᴋonaselo, tâpsoma sângane ullapirsarsimavluse naipitauᴋovluse.

I Johannesib 2:6

Tâpsomanêtsainardluni oᴋartoᴋ, arvirtartuksaugivoᴋ, sorlo tâmna (Jêsuse) arvitalaungmat.

I Johannesib 4:17

Tamattomunga naglingniᴋ nâmaksivoᴋ uvaptingni, ᴋuviasûtiᴋarᴋovluta uvluksami erᴋartuivingmi; sorlo tâmna ingmat, taimainivogut silaᴋsoarmi tamattomani.