I Johannesib 3:22 - Labrador Inuttitut Heritage Bible

²² Sumiglônêllo tuksiarluta, tunitsivioniarpogut tâpsomangat; piᴋojangit malikaptigik, sânganilo ᴋuviagijanganik piniarluta.

I Johannesib 3:22 Iomraidhean Croise

Hiobe 22:26

Tagva ajugaᴋangitok ᴋuviasutiginiarpet, ârlorniarlutillo Gûdemut.

Imgerut 10:17

Pattangajut tussuningit tussalaukpâttit, Nâlegâk; igvit ômattingit ᴋollarungnaitimarikpâttit, siutivît kamagingmagit.

Imgerut 34:4

Nâlegak ᴋennilaurapᴋo, tagva kiolaukpânga, piulilungalo kappiasungnimnit tamainit.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Salomob Okâl 15:29

Nâlegak ungasikpok Gûdeᴋangitunnit; idluartulle tuksiarningit tussarpait.

Salomob Okâl 28:9

Siutiminik allartitsijok tussarnermit Malligaksauᴋojaujunik, tapsoma tuksiarninga makkojungnarniôvok.

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jeremia 33:3

Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.

Mattêuse 17:5

Sulle taimâk oᴋartilugo, ahâk nuvujab ᴋaumajub ullikpait. Ahâglo, nippe nuvujamit oᴋarpok: Tagga ernera nagliktara, ᴋuviagijara, tâmna nâleksiuk!

Mattêuse 21:22

Kenuarijaselo tamaita tuksiarnipsingne, okperupse, pilârpase tâva.

Markuse 11:24

Taimak pivlugo oᴋautivapse: Tamainik tuksairnipsingne ᴋenuarijapsingnik, okpituinaritse, tunitjivioniarapse tamakkoninga, pilârpase tagva.

Johannese 14:13

Sumiglo tuksiarniarupse atimne, piniaromavunga, Atâta nertortauᴋovlugo ernermigut.

Johannese 15:10

Perᴋojakka malikupsigik, naglingnimnêtsainarpose, Sôrlo uvanga Atâtama perᴋojangit malikapkit, naglingninganêtsainarlungalo.

Johannese 15:7

Ilumnêtsainarupse, oᴋausikkalo ilupsingnêtsainarpatta, pijomajapsingnik tuksiarniarpose, tunitsiviolâlapselo.

Johannese 6:29

Jêsusib kiovait oᴋautivlugillo: Tamadja Gûdib piniarᴋojanga, okperluse tâpsomunga tilijanganut.

Johannese 8:29

Tilijimalo ilagivânga, Atâtab kisimauᴋungilânga; piniatsainarama ᴋuviagijanganik.

Johannese 9:31

ᴋaujimavogulle, Gûdib idluitulijut tusangimagit; Gûdemigle opigosuktoᴋarpat, pijomajanganiglo piniartok, tâmna tusarpâ.

Apostelit Piniarningit 17:30

Naliutune inuit nalojôtilugit Gûdib kamagingitsertulaukpait; mânale inuit ilûnaita nunalingne tamaine ᴋaᴋialerᴋovait;

Apostelit Piniarningit 20:21

Jûdillo Grîkillo oᴋautilaukpakka, sâgiarᴋovlugit Gûdemut, okperᴋovlugillo Nâlegaptingnut Jêsuse Kristusemut.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

Jâkobusib 4:3

Tuksiaralloarpose, pititaunaselo, tuksiarnerluᴋapse, imaidluse, ikligunise nâmaksitilugit inôniaromavluse.

Jâkobusib 5:16

Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

I Johannesib 2:3

Tamannalo ᴋaujijutigivavut, illitarigaptigo, piᴋojangit nâlakuptigik.

I Johannesib 5:14

Tamadjalo sungitûtiksavut tâpsomunga, sumiglônêt tuksiarangapta idluarijanganik, tussângmatigut.