I Johannesib 2:29 - Labrador Inuttitut Heritage Bible

²⁹ Kaujimagupsi idluartoᴋsôngmat, nalojungnairivosi, idluartomik piniartoᴋ tâpsomangat erniangongmat.

I Johannesib 2:29 Iomraidhean Croise

Jeremia 13:23

Inub ᴋernertab amine ablatsangortitsungnarᴋaûᴋ, pûsivâlublônêt millanê? (Tamanna ajornalungipat) ilipsetauᴋ idluitulinermik sungiusimajose — ajungitulijungnarajarivose.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Johannese 1:13

Tâpkoa aungmit pingitut, uviniub pijomajanganillônêt, angutib pijomajanganillônêt, Gûdemille erniangomajut.

Johannese 7:18

Ingminik oᴋâlajok nertortauniksaminik ᴋenerpok; tâpsomale tilijime nertornarninganik pinasuartok, tâmna mikseᴋârtôvok, idluineᴋangilarlônêt tâpsomane.

Apostelit Piniarningit 10:35

Inuille sunatuinait, tâpsominga sivôrajut idluartulijullo ilaliorpait.

Apostelit Piniarningit 22:14

Oᴋarporle: Atâtagijapta Gûdingata anerivâtit pijomajanganik ᴋaujititauᴋovlutit idluartotuamiglo takoᴋovlutit, nipemiglo tusarᴋovlutit, ᴋaninganit.

Apostelit Piniarningit 3:14

Ilipsele ajungitotuaᴋ idluartotuarlo misiarutigilaukpase, tuksiarluselo inuartok pijomavlugo;

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Ebrêerinut 7:2

Tâmnalo Abrahab tunitsivigivâ perᴋutime ilûnatik tellimaujoanik. Attinga imâk nelonairtauvoᴋ: atanivik idluarnilik. Amalo Sâlemib atanivinga, imaipoᴋ: atanivik ullapirsaijoᴋ;

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

I Pêtrusib 1:23

Ilipse erniangupsârsimajose kinguvâksamit asserorniartomiungitoᴋ asserojuitomille, Gûdib ômajub oᴋausingagut, issoᴋangitomut-itsomârtokut.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

II Pêtrusib 1:4

Tamattomûna angnerpângojunik pivianartoᴋsoarniglo angerviovogut, imâk, tamakkonunga illangiutititaulerᴋovluse Gûdioninganik, silaᴋsoarmêtut ikliguningit asserornartut ᴋemakupsigik.

I Johannesib 2:1

Kitorngârsukka, tamakkoninga aglagvigivapsi, idluituliᴋonasi. Idluitulijoᴋarpallo, tuksiarutjiᴋarpogut Atâtami, Jêsuse Kristusemik idluartôjomik.

I Johannesib 3:5

Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.

I Johannesib 3:7

Kitorngârsuit, kimullônêt uivêrijauniarasi. Idluartulijoᴋ idluartôvoᴋ, sorlo tâmna idluartôngmat.

I Johannesib 4:7

Naglingnartosi, nagliktigêlauᴋta! naglingniᴋ Gûdemit pingmat; nagligosuktorlo Gûdemit erniangovoᴋ, Gûdelo illitarivâ.

I Johannesib 5:1

Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.

I Johannesib 5:18

Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.

I Johannesib 5:4

Gûdemit erniangojut ilûnatik silaᴋsûb inunginut ajugaungmatta; okpinivullo ajugauniovoᴋ silaᴋsûb inunginut.

III Johannesib 1:11

Naglingnartotit ômât! ajorneᴋ malingniarnago pît ajunginerle. Ajungitulijoᴋ Gûdemit pivoᴋ, idluitulijub Gûde takungilâ.