I Johannesib 2:25 - Labrador Inuttitut Heritage Bible

²⁵ Tamadja angininga, uvaptingnut inôtsimik nâksaungitomik (tunitsivigijomavluta) angimat.

I Johannesib 2:25 Iomraidhean Croise

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Lukase 18:30

Tunitjiviolungitomik unuktunik mattomanêdlune, silamelo pijomârtome inôtsemik nungusuitomik.

Johannese 10:28

Inôtsemiglo nungusuitomik tunitsivigivakka, aserorniatsangilallo, arᴋtaijoᴋarniangilarlônêt tâpkoninga aggamnit.

Johannese 12:50

ᴋaujimavungalo perᴋojanga inôgutaungmat nungusuitok. Taimaimat oᴋauserijakka taimâk oᴋauserivakka, sôrlo Atâtab oᴋautilaungmanga.

Johannese 3:15

Ilûnnatik okpertut tâpsomunga assioᴋonagit, nungusuitomigle inôguteᴋarᴋovlugit.

Johannese 5:39

Aglangne ᴋeneritse; inôtsemik nungusuitomik pitaᴋarasugigapse tâpkonane; tâpkoangovullo kigligiutsijut uvamnik.

Johannese 6:27

Nerᴋiksamik nungusârtomik pinasuarase, inôtsemulle nungusuitomut itsainartomik, Inûb Erningata tuniniartanganik ilipsingnut; tâmna Gûdib Atâtab naᴋitjusilaungmago.

Johannese 6:40

Tamadjale tâpsoma tilijima pijomajanga, Erninganik takojok okperivlugolo nungusuitomik inôguteᴋarᴋovlugo; uvangalo ômartitsomârpara uvlut naggatiksangane.

Johannese 6:47

Âhamarik, âhamarik, oᴋaupapse: Uvamnut okpertok, nungusuitomik inôseᴋarpok.

Johannese 6:54

Uvinimnik nerrijok, aumniglo imertok, nungusuitomik inôguteᴋarpok, uvangalo ômartitsomârpara uvlut naggatiksangane.

Johannese 6:68

Tagva Sîmonib Pêtrusib kiovâ: Nâlegak, namût aijuksauvitâ? Igvit oᴋauseᴋarpotit nungusuitomik inôgutilingnik.

Rômiunut 2:7

Imâgle: ᴋenuersârlutik ajungitulinermut pinasuartut nertornartomiglo nâlangnartomiglo soᴋosijuitomiglo taipkoa inôgumik nungusuitomik tunisivigijomârpait;

Rômiunut 5:21

Sorlo ajorneᴋ ataniotilaungmat toᴋokut, taimaktauᴋ saimaneᴋ atanioterᴋovlugo idluarsititsinikut inôtsemut nâksaungitomut (pititsivlune), Jêsuse Kristusikut Nâlegaptigut.

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

Galâtsiamiunut 6:8

Uviningminut karngasiojoᴋ, asserornartomik katersoijomârpoᴋ uviningmit. Anernermulle karngasiojoᴋ inôtsemik nâksaungitomik katersoijomârpoᴋ Anernermit.

I Timôteusemut 1:16

Taimaimalle nâpkigijaulerpunga, Jêsuse Kristûse sakᴋertitserᴋovlugo ᴋenuersârnerminik, piluartomik uvamne, igjaraksaulerᴋovlunga okperomârtunut tâpsomunga inôseᴋarniardlutik issoᴋangitomik.

I Timôteusemut 6:12

Sorsungniarit ajungitomik okpernerub sorsungninganik, inôsek nâksaungitok tiguniaruk, tamattomunga ᴋaiᴋojaumagavit, nalonaigaumiglo ajungitomik nalonailêmavlutit unuktut tussâtilugit kigligiudsijungnartut.

I Timôteusemut 6:19

Taimailiordlutik ingmingnut tungaviksautsiartunik perᴋutiksarsiniarᴋovlugit naliutuksamut, inôtsemik nâksaungitomik tigusijungnarᴋovlugit.

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Titusemut 3:7

Uvagut tâpsoma saimarsautânut idluartitaumalertogut, nerriungnermut kingormgujijuksauᴋovluta inôtsemik nâksaungitomik.

I Johannesib 1:2

Inôsilo saᴋᴋijârsimavoᴋ, uvagullo takolauᴋpogut kigligiutsilaptalo oᴋâlavigivapsi inôtsimik naggatiᴋarniangitomik, Atâtamêlauᴋtomik, uvaptingnullo saᴋᴋitomik.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

Jûdasib 1:21

Gûdiblo naglingninganêtsainaritse, nerriugilugolo Nâlegapta Jêsusib Kristûsib nâpkiningninga inôtsemut nâksaungitomut.