I Johannesib 2:18 - Labrador Inuttitut Heritage Bible

¹⁸ Kitorngârsuit, uvlut naggatât naliutilipoᴋ, sorlolo tussaumagapsi Antikristusemik tikitsomârtomik, mânalo Antikristusit unuliput; tamattomangat ᴋaujimavogut, uvlut naggatât naliutilimmat.

I Johannesib 2:18 Iomraidhean Croise

Mattêuse 24:11

Nalautainerluktullo unuktut sakᴋeromârput, unuktut tammartiniardlugit.

Mattêuse 24:24

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Mattêuse 24:5

Unuktut tikitsomârmatta attera atterivlugo, oᴋarlutik: Kristûseovunga; unuktullo tammartiniarpait.

Markuse 13:6

Unuktut tikitsomârmatta attera atterivlugo oᴋarlutik: Kristuseovunga, unuktullo tamartiniarpait.

Johannese 21:5

Jêsusib oᴋautivait: ᴋitorngat, nerᴋiksaᴋangilasê? Tâpkoa kiovât: Âhailâ.

Rômiunut 13:11

Naliunermiglo tamattominga ᴋaujimagapta, tupagviksavut siningnermit mâna naliusimangmat; (piulijauviksavut mâna ᴋaninersaungmat taipsomanemit okpertôlitainalauraptingnit:

Rômiunut 13:12

Unnuaᴋ nâvoᴋ ᴋaulerdlunelo;) taimaimat tâᴋtub piniarningit iperarniarlavut, ᴋaumajuble sakkunginik atiniardluta.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

I Pêtrusib 1:20

Tâmna sivorngagut issumaksarsiorutaumalauralloarpoᴋ silaᴋsoaᴋ tunganilijauᴋârtinago, saᴋᴋersimajorle neliunerit kingorlingine pivluse, tâpsomûna okpertose Gûdemut;

I Pêtrusib 1:5

Ilipsingnut, Gûdib pitsartuninganut saputigauniartose okpernermut piulijaulerdluse, tamanna pijarêrtisimajoᴋ, saᴋᴋerᴋovlugo uvlut kingorliksangine.

I Pêtrusib 4:7

Tamaitaᴋsuille naggatiksangat ᴋaglilerpoᴋ.

II Pêtrusib 2:1

Nelangaitunigle nelautaijoᴋalaurivoᴋtauᴋ inuit akorngane, sorlotauᴋ ajoᴋertuijut nelangaitut akunapsingnêtsomârmatta. Taipkoa seniagut ajoᴋertûtsinik pititsijomârput asserornartunik, Nâlegarlo misiarutigijomârpât pisiarijigilauktatik; ingmingnut pititsivlutik asserudlautiksamik tagvainârtomik.

II Pêtrusib 3:3

Tamannalo ᴋaujilerᴋârsiuk, uvlut kingorlingine mitauteᴋartoᴋaromârmat, ikligunermingnut inôniartunik,

I Johannesib 2:22

Saglujuᴋ kinâ, Jêsusib Kristuseoninganik missiarutjijoᴋ kissimiungituᴋ? Tagva Antikristuse, Atâtamiglo Ernermiglo missiarutjijoᴋ.

I Johannesib 4:1

Naglingnartosi aninirit ilûnaita okpirinasigik, aninirilli ôktorsigik, Gûdemit pingmangâtâ; nalautaijut nalangaitut unuktoksuit aimangmatta silaᴋsoarmut.

I Johannesib 4:3

Anernerillo ilûnatik Jêsuse Kristusemik uvinikut tikitomik kigligiutsingitut, Gûdemit pingilat. Tamadjalo Antikristusib anininga tussaumajasi tikitsomârmat, tamattomanilo silaᴋsoarmêlirêrpoᴋ.

II Johannesib 1:7

Tamartitsijut unnuktut silaᴋsoarmut pingmatta, Jêsuse Kristusemik uvinikut tikitomik kigligiutsingitut. Taimaitoᴋ tamartitsijôvoᴋ Antikristuseovlunelo.

Jûdasib 1:18

Oᴋarvigingmase, uvlut kingorliksangine mitauteᴋartoᴋaromârmat, ikligunitik maliklugit inôniartunik, Gûde iperarlugo.