I Johannesib 1:9 - Labrador Inuttitut Heritage Bible

⁹ Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.

I Johannesib 1:9 Iomraidhean Croise

I Atannit 8:30

Taimâk tagva tusalaurit kivgavit inuᴋotivillo Israelitit ᴋenuninginik ᴋenuneriniartanginik mâne; tusalerit tamattominga inneme, innigijarne ᴋillangme, tusalaurit isumagijungnailugillo ajornerit.

I Atannit 8:47

Omamiutarilerpatsuglo nuname parngnanairsimavigijamingne, sâlerpattalo tuksiarlutiglo illingnut, nuname parngnanairsimavigijamingne oᴋarlutiglo: Idluitullilaukpogut, tammarlauklutalo uivêtolaukpogut;

Nehemia 1:6

Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.

Imgerut 19:12

Kina tammarnime unnurninginik ᴋaujimava? Issumagijungnaivigilaunga tammarnimnit ᴋaujimangitamnit.

Imgerut 32:5

Tagva ajornimnik kigligiksarvigilaukpagit, idluitullinikkalo angiaritailivakka. Oᴋalauktunga: Nâlegak tappanimnik kigligiksarvigijomavara; tagva issumagijungnaivigilaukparma ajornima idluitoksôninginit, Sêla.

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 33:8

Epᴋêjaromavakkalo idluitulininginit tamainit, idluitulinerilauᴋtanginit uvamnut; idluituliningillo tamaita issumagijungnairomavakka, idluitulinerilauᴋtangit uvamnut, tapanerilauᴋtangillo uvamnik.

Jeremiab Ogguarutigijangit 3:23

Uvlât tamaita nutaulerput; nelâgôrnît angijôdlarpok.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Hesekiel 37:23

Ivsornartitsomângilallo nangminermingnik kingorngane gudingoaᴋotimingnut, piniarnernullônêt maᴋojungnartunut, tapanerijamiglônêt nelianut; piulijomârpakkale inigijanginit tamainit idluitulivigilauᴋtanginit, ivsornaititsomârpakkalo: taimaglo inuᴋutaujomârput uvamnut, Gudeojomârpungalo tâpkonunga.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 3:6

Baptitaujomavlutik tâpsomunga Jordaneme kôngme, idluinitiglo kigligiksautigivlugit.

Markuse 1:5

Jûdêamiullo ilûnatik, Jerusalemiullo nelipsarpât, ilûnatik baptitaujomavlutik, tâpsomunga, Jordaneme kôngme, sagvarlugillo ajornitik.

Lukase 22:57

Misiarporle oᴋarlune: Arnak, ilitaringilara.

Johannese 17:25

Idluartok Atâtak, silaksoarmiut ilitaringilâtit; uvangale ilitarivagit, tâpkoalo ilitarsivut tililauramga.

Apostelit Piniarningit 19:18

Okpertuttauk unuktut unipkâriartorput kigligiksarlutik piniarnerilauᴋtamingnik.

Rômiunut 3:26

Naliutune tamakkonane idluarneᴋ sâmine nâmagijaujoᴋ nalonairomavlugo; saᴋᴋerᴋovlugik Gûdib nangmineᴋ idluartôninga idluarsititsiningalo Jêsusemut okpertomik.

I Korintemiunut 1:9

Gûde okpernarmat, tâpsomunga ᴋaiᴋojaumavose Erningata Nâlegapta Jêsusib Kristûsib ilagêngninganut.

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

Efêsusemiunut 5:26

Ajorungnaititsomavlugit, epᴋêjalaungmagit ubvaumut (imiojomut) oᴋautsemik illalingmut.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

I Timôteusemut 1:15

Oᴋausek okpernartoᴋsôjok tamadja, angijomik nâleluariaᴋarnek, Kristûse Jêsuse nunamut tikingmat idluitulijut piulijartorlugit, tâpkonangat uvanga anginerôjunga.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 10:23

Atavigênarlavuttauᴋ kigligiudsineᴋ nerriungnermik, aulajungnangerluta; (angilauᴋtoᴋ tamattominga nelagôrmat)

Ebrêerinut 11:11

Okpernermut Saratauᴋ pitsartutitaulerpoᴋ singailerdlune, ernivlunelo erniviksanga anigorsimajarêralloartilugo, okpernartônasugigamiuk tamattominga angilauᴋtoᴋ.

Ebrêerinut 6:10

Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.