I Johannesib 1:1 - Labrador Inuttitut Heritage Bible

¹ Issuanit-ilauktok, ijiptingnut takolauᴋtavut, ᴋimigolauᴋtavut, aggaptingmullo aktulauᴋtavut, tussalauᴋtavut, oᴋausiᴋ inôgutaujoᴋ (oᴋautigivavut ilipsingnut).

I Johannesib 1:1 Iomraidhean Croise

Jesaiase 41:4

Kia tamanna piniarᴋaûk nãmaksitillugolo? Kairᴋojijub kinguvârênik (nunaᴋsûb) pigiarninganit. Uvanga Nâlegaᴋ tâmnauvunga, sivorliojunga kingordlernelo tâmnatsainaᴋ.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Lukase 1:2

Sorlo taipkua tunitjivigilaungmatigut tamakkoninga, pigiarninganit nangminek takolauktamingnik, kivgartorteovlutik oᴋautsinut:

Lukase 24:39

Aggakka itigakkalo takulersigik, uvangauvunga nangminek; aktorlungalo takunârsinga: Anernek uvineᴋangilak sauneᴋaranelo, sorlo uvanga takogapsinga peᴋartunga.

Johannese 19:35

Tamattomingalo tautuktub kigligiutjutigilaukpâ, kigligiutjiningalo mikseᴋârtôvok, tâmnalo ᴋaujimavok, mikseᴋârnermik oᴋarame, okpilerᴋovluse.

Johannese 20:27

Kingorngagut Tômase oᴋautivâ: Tikît ᴋaitsuk, aggakkalo takolikit; aggaktillo isakkit ovunga, ililugillo senerᴋamnut; okpinginaglo, okperille!

Johannese 5:26

Sôrlo Atâta inôseᴋarmat ingmine, taimâktauk Ernine tunitjivigivâ inôseᴋarᴋovlugo ingmine.

Johannese 8:58

Jêsusib oᴋautivait: Âhamarik, âhamarik oᴋaupapse: Âbrahâ ilerᴋârtinago uvanga ipunga.

Apostelit Piniarningit 1:3

Aniatitaunerme kingorngane taipkonunga sakᴋerᴋattarpok ômardlune, okpernartut unuktut piniarlugit, takotidlunelo taipkonunga uvlut 40 it nâvlugit, oᴋaᴋatigilugillo Gûdib nâlegauvinganik.

Apostelit Piniarningit 4:20

Takojavut tusartavullo oᴋautiginagit saperpoguk.

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

I Johannesib 4:14

Takolauᴋpogut kigligiutsivogullo, Atâtab Erneᴋ tililaungmago piuliklitioᴋovlugo silaᴋsoarmiunik.

I Johannesib 5:7

Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 19:13

Atisimavorlo annorâmik aungmut serparsarsimajomik, atingalo taijauvok Gûdib oᴋausinganik.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok: