I Atannit 2:3 - Labrador Inuttitut Heritage Bible

³ Kamagikillo kamagijaksat Nâlegak Gûdit pivlugo, agvertarᴋovlutit tapsoma apᴋosiningine, kamatsiarᴋovlutillo illusioᴋojanginik, perᴋojanginiglo, idluarijanginiglo, kigligiudsininginiglo, sorlo aglaksimangmat Mosesib perᴋojangine, sillatôᴋovlutit piniarnerne ilûnnaine, namullo sangulervigijarne;

I Atannit 2:3 Iomraidhean Croise

II Samuel 8:14

Sorsuktuksaniglo pititsivok Edomiut nunanganut, Edomiullo illunamasiatik David nalekpât, Nalekab Davide ikajormago, namut ainingine illunaine.

II Samuel 8:6

Sorsuktuksaniglo pititsivok Damaskusemut Siriamêtomut. Taimak Siriamiut kivgaulerput Davidemut, pilliutinik âtsilerᴋovlugit tapsomunga. Nalekab Davide ikajormago namut ainingine illunaine.

I Atannit 3:3

Salomoblo Nâlegak nagligiva, agvertarlunelo atâtame Davidib illuserilauktangit malliklugit; kisiane pôktojune tunnergutinik tunnijivok isserluanititsilunelo.

II Atannit 18:7

Nâlekablo aipariva; ilunnanelo namut aivigijamine pillorilaukpok. Assiriamiullo atanningat allârpa nâlegungnailugolo.

I Kronika 29:19

Erneralo Salomo omamik nallagôrtomik tunnitsivigilauruk, perᴋojatit kigligiudsinitillo idluarijattillo nalaklugit piᴋovlugo, tamainik piᴋovlugo, igluliorᴋovlugolo igloksoarmik ominga, attuinarutilauktamnik.

Imgerut 119:111

Kigligiutsinitit kingormgutijarivakka issoᴋangitomut ômattima erᴋiêrtorutigingmagit.

Imgerut 119:138

Idluarnivît kigligiutsiningit, mikseᴋârnerlo angijomik perᴋolaukpattit.

Imgerut 119:2

Pillorikput tâpsoma kigligiutsininginik nâlektut, ᴋennertut tâpsominga ômamut tamânut.

Imgerut 19:7

Nâlekab malligaksauᴋojangit ᴋanoêtoᴋatsangilat, tarnelo nakkoksitipât. Nâlekab kigligiudsiningit nallâgôrput, sillatutipaillo sillaitut.

Okaluktok 12:13

Ajochertutsit tamaita pijariaᴋôrtonerpângit tussarlavut: Gûde sivôragiuk, malliklugillo perᴋojangit; tamanna inungnut ilûnainut illingangmat.

Leviticus 8:35

Ilagêktullo tupingata upkoangane noᴋangatsainartuksauvose uvlôtilugo unnuarmelo uvlut sevenit nâvlugit, Nâlekablo perᴋojijutigijanga ivlerilugo, toᴋoᴋonase; taimâk perᴋojaugama.

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Deuteronomy 29:8

Nunangallo tiguvavut tunilugollo kingormgutijaksautilugo Rubenekunut, Gadekunullo, Manassekullo kinguvârêngita abvanginut.

Deuteronomy 29:9

Taimaimat angerᴋatigêngnerûb oma oᴋausertangit malitsiarsigik piniarlugillo, silatojomik piniarᴋovluse piniarnipsingne tamaine.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:45

Tamadja kigligiutjinerit, maligaksallo, idluarsautiksallo Mosesib oᴋautigijangit Israêlikunut Egiptenemit anisimangmatta;

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 4:8

Nanelônêt inôᴋatigêksoaᴋarᴋâ maligaksalingnik idluarsautiksalingniglo taimak idluartigijunik perᴋojatitut ukkutitunaᴋ uvlome unertutigijaptut ilipsingnût?

Deuteronomy 5:1

Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Josua 22:5

Manale katsungailuse attaruilititse pinniarᴋovluse Nalekab perᴋojanga illusioᴋojangalo, Mosesib Nalekab kivgangata perᴋolauktanga illipsingnut malliklugo, nagliᴋovluse Nalegapsingnik Gudipsingnik, arvertarluselo apᴋosiningine tamaine, malliᴋovluselo perᴋojanginik, ungaluselo tapsomunga, kivgartorᴋovluselo tapsominga, omamut tamanut tarnemullo tamanut.

Josua 23:6

Tagva manna maksoadlaritse, sapkutsitailiᴋovluse, pinniarᴋovluselo tamainik aglaksimajunik Mosesib aglaᴋotingine perᴋojaktalingne sanniagorkonnase tamakkonangat tallerpingmullonêt, saumingmullonêt.

I Samuel 18:14

Davidelo sillatôjomik illuseᴋarpok pinniarnermine illunaine, Nalekablo illagiva.

I Samuel 18:30

Filisterillo angajoᴋangit aularmatta, Davide sillatunersauvlune pinniarlaukpok Saulib kivganginit tamainit, aularangatta; taimak attinga nertortaudlalaungmat.

I Samuel 18:5

Davidelo aularᴋattarpok namut tillijauvingminut Saulemut, sillatojomiglo illuseᴋarlune. Sauliblo angajoᴋangortipa sorsuktuksaksoaᴋattigênut; namagijauvorlo innuksoarnut illunainut, Sauliblo kivganginuttauk.