Imgerut 99:4 - Labrador Inuttitut Heritage Bible

⁴ Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Imgerut 99:4 Iomraidhean Croise

Hiobe 37:23

“Ajugaᴋangitorle nachvârungnangilavut, angijoksoarmik pitsartunelik; tâpsoma idluarnine illiorninelo idluartok akkiniarutiginiangilak.

Imgerut 11:7

Nâlegak idluarmat, idluarnerlo ᴋuviagivâ, kênangata idluitailijut takkonârpait.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Jesaiase 42:4

Sangêleromângilaᴋ ajuleromânginivoᴋ, nãmaksititserᴋârane erᴋartuijutiksanik nuname, ᴋikkertamiullo mallitsialerᴋârtinagit ajoᴋertûsinginik.

Jesaiase 61:11

Sôrlo nunab perorsiaksat perortingmagit, sôrlolo perorsêviub karngasortaumajut nuilertingmagit, taimaktauᴋ Nâlegaᴋ Gûde nuilertitsijomârpoᴋ idluarnermik nertornautiksamiglo nallojut illûnamatsiatik takkoanne.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 23:5

Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

Jûdasib 1:15

Erᴋartoriartorlugit ilûnaita, Gûdemiglo iperaijomajut tamaita pidlarlugit, piniarningit Gûdemut akkerartortut tamaita pitjutigivlugit, ajortoliksuillo oᴋauseludlalaungningit tâpsominga pitjutigilugit.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.