Imgerut 98:3 - Labrador Inuttitut Heritage Bible

³ Saimarveᴋarnine, mikseᴋârninelo erᴋarpak Israelib iglunga pitjutigellugo. Sillaksub issungita tamaita Gûdipta piuliklerninga takᴋovât.

Imgerut 98:3 Iomraidhean Croise

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 22:27

Erᴋaijomârput, sâleromârlutiglo Nâlekamut sillaksub issunginêtut, sângnelo tuksiaromârput nallojut kinguvârêngit illunatik.

Imgerut 67:7

Gûdib saimartilittigut, nunablo issungita illunatik sivôragijaksarivât.

Imgerut 98:2

Nâlekab piuliklernine oᴋautigijauᴋovâ; innuᴋattigêksuit sânginne idluarnine nallonairpâ.

Jesaiase 45:22

Sâgialeritse uvamnut, piulijaujomârpose tagva, sillaᴋsoarmiôjose tamapse; uvanga Gûdeogama, assimniglo Gûdeᴋangimat.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Jesaiase 52:7

Kuvianartoᴋsôvut illa ᴋaᴋᴋane oᴋalloriktut ittigangit, ullapirsaumik oᴋâlajut, ajungitomiglo oᴋautjijut, piulijaunermiglo oᴋâlajut, Zionemullo oᴋartut: Gûdit attaniolerivoᴋ!

Leviticus 26:42

Uvanga tagva angernera Jakomut, angerneralo Isaarmut, angerneralo Abrahâmut erᴋaumajomavakka, nunalo erᴋarlugo.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Lukase 1:72

Nâpkigosungnermiglo sakᴋertitsilune angajoᴋâptingnut, angerninelo hailigiojok erᴋaumavlugo,

Lukase 3:6

Uvinilit (silaksoarmiut) ilûnatik Gûdib piuliklertiksauᴋojanga takojomârpât.

Apostelit Piniarningit 13:47

Nâlekab perᴋungmatigut imâk: Nalojunut ᴋaumartiksangortilaukpagit, piulijiksauᴋovlutit silaksûb isuanut.

Apostelit Piniarningit 28:28

Tagva mâna nalojungnairitse, tamanna Gûdib saimarsautâ tilikliutigijaungmat nalojunut; taipkoa tusagôromârpât.

Rômiunut 10:12

Adsigêngilungimatta Jûdillo Grîᴋillo; atausênaᴋ Nâlegaringmatsuk ilûnatik, akluitoᴋ ilûnainut tuksiarvigijiminut.

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

Deuteronomy 4:31

Nâlegak Gûdît Gûdeongmat nâpkigosuktok; tâpsoma ᴋujanârutiginiangilâtit asserorniangilâtillônêt, puigorniangilarlo angernermik angerutigilauᴋtaminik atâtagijarnut.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;