Imgerut 97:2 - Labrador Inuttitut Heritage Bible

² Nuvujat, târniublo illumavât idluarnerlo idluarsainerlo iksivautavît aulajuijutigivak.

Imgerut 97:2 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Hiobe 23:14

Tunnijigune pijaksamnik, tagva taimaitoᴋarnersauvok sulle tâpsomane.

Hiobe 26:9

Iksivautaksoarme kênanga atsungertipâ, nuvujaᴋotinelo issivitipait sânganut.

Imgerut 77:19

Apᴋut imarbingmêlaukpok apᴋosinîllo imaksoarne, sullele ittikkatit mallugijaulaungilat.

Imgerut 89:14

Idluarnerub idluarsainerublo iksivautat aulajuitipâk; saimaveᴋarnek mikseᴋârnerlo kênavît sânganêpuk.

Imgerut 89:15

Pillorikput innuᴋattigêksuit igiaᴋomijarungnartut. Nâlegak, arvertarniarput kênavit ᴋaumaningane.

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Exodus 19:9

Nâlekablo Mosese oᴋautivâ: Ahâk, tikitsomavagit nuvujame isortaksoarme, inuit tusarkovlugit oᴋarᴋatigigupkit, ilingnullo okperᴋovlugit nâksaungitomik. Mosesiblo inuit oᴋauserijangit oᴋautigivait Nâlekamut.

Exodus 20:21

Inuillo alivasiktome nangerput, Moseselo ᴋaglilerpok tâktoksoarmut isortamut Gûdib inigijanganut.

Salomob Okâl 16:12

Atannit nâmangitullinek makkojugivat, idluarnermut atanniovik nakkitertaungmat.

Nahum 1:3

Nâlegak ᴋenuesârpok pitsartuneliksôvlunelo, pidlartailitsingitorle ᴋaᴋialerneᴋangitunik: Nâlegak ineᴋarpok ullajujarme akᴋunaksoarme, itigangitalo nuvujat pujoragivait.

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!