Imgerut 96:2 - Labrador Inuttitut Heritage Bible

² Nâlegak imgervigissiuk, attingalo nertorlugo pititse; uvlormit uvlormut piuliklerninga oᴋâlautigissiuk.

Imgerut 96:2 Iomraidhean Croise

I Kronika 29:20

Davidelo ilagêt ilûnamasianginut oᴋarpok: Nalegak Gûdise nertorsiuk! Ilagêllo ilûnamasiatik Nalegak atâtagijamik Gûdingat nertorpât, okᴋolutiglo opigilakillo Nalegak attannerlo;

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 145:1

Angijorortitsomavagit, Gûdiga, attaniôjotit, attillo nertutsainaromavara issoᴋangitomut.

Imgerut 145:10

Piniartavît illûnatik ᴋujagijaksarivâtit Nâlegak, ivsornaitoᴋotivîllo nertoraksarivâtit;

Imgerut 145:2

Uvlut tamaita nertoromavagit, attillo nakoritsainarlugo sorairnanga issoᴋangitomut.

Imgerut 40:10

Idluarnît ijertorlungilara ômattimne; mikseᴋârnît piuliklernîllo oᴋautigivâka illagêktoksuit sângine.

Imgerut 71:15

Kanerma idluarnît oᴋautigijaksarivâ, uvlut tamaita piuliklernît; kittitsungnangitakka.

Jesaiase 40:9

Zione, tussarnertunik oᴋâlajuksaujotit, majorarit ᴋaᴋᴋamut poᴋtojomut; Jerusaleme, tussarnertunik oᴋâlajuksaujotit, nippeᴋarit sôngojomik, nipliadlarit sivoranaglo; Jûdab iglugasaksoangit oᴋâlavigikit: Ahâk, tagga Gûdise!

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Apostelit Piniarningit 13:26

Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Takotitaunermik 5:13

Pingortitallo ilûnamasiatik, ᴋilangmiullo nunamiullo nunab atânêtullo, imarbiublo iluanêtut tamaita tussarpakka oᴋauseᴋartut: Iksivautaksoarme iksivajok Saugârsuglo ᴋujanarsilîk nâlengnarsilutiglo nertornarsilutiglo, ajugauviojotôvlutik issoᴋangitomit issoᴋangitomut.