Imgerut 96:10 - Labrador Inuttitut Heritage Bible

¹⁰ Nallojut akkorngane oᴋaritse: Nâlegak attanniôvok; tamana pivlugo nuna pallangilak aularanelo. Tâpsoma inuᴋattigêksuit idluarsarpait namaktomik.

Imgerut 96:10 Iomraidhean Croise

Imgerut 126:2

Tagva ᴋannivut ᴋungatsungudlaromârput, oᴋavullo nertordlerutiksaᴋadlaromârput. Tagva nallojut akkorngane oᴋartoᴋaromârpok: Nâlekab angijomik piniarvigilaukpait.

Imgerut 18:49

Tamanna pivlugo ᴋujagijomavagit Nâlegak nallojut akkorngane, attillo imgervigilugo nertordlerutiksenik;

Imgerut 46:10

Nippangeritse illitarksiluselo uvanga Gudeôgama. Uvanga angijorortitaujomavunga nallojut akkorngane, angijorortitaujomavunga nuname.

Imgerut 46:6

Nallojut perajalukput, attaniovîllo aulavut; nuna auksilerpok tâpsoma nippine tussaktauᴋoguniuk.

Imgerut 58:11

Inuit oᴋarniarᴋovlugit: Ahamarik idluartok akkeᴋaralloarpok! ila Gûde erᴋartuijôvok nuname.

Imgerut 59:13

ᴋaningajârlutit nungukit; nungukit sunaungerᴋovlugit tukᴋiserᴋovlugillo Gûde attaniojôngmat Jakokune sillaksub nâninga tikkidlugo. Sêla.

Imgerut 67:4

Inuit ᴋuviasukput igiaᴋomijarlutiglo, innuᴋattigêksuit namaktomik idluarsarangne, innuillo nuname aulagangne, Sêla.

Imgerut 7:9

Gûdeᴋangitut kassêningit nungutaulît, idluartullo sullitsiartikit; igvit idluartôlutit Gûdeôjotit ômattit taktullo nautsertorangne.

Imgerut 9:8

Tâpsomalo nunamiut erᴋartoromârpait idluartomik, innuillo aulatitsomârpait namaktomik.

Imgerut 9:9

Nâlegarlo sappulutauvok aklujunnut, sappulutak nangiarnartomê.

Imgerut 93:1

Nalegak attaniôvok, ânanaunelijarlunelo pinarnadlartomik, Nâlegak ânanaunelijarpok, tapseruseruteᴋarporlo pitsartunermik; tamanna pivlugo nunaksoak pallangilak aularanelo.

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Jesaiase 49:8

Nâlegaᴋ oᴋarpoᴋ imâk: Tussarpagit nalliutome saimarsaivingme ikajorlutillo uvlorme piulijauvingme; serngnigijomavlutillo angerutigijaujotut illingatipagit inuit akkornganne, nunamik idluarsairᴋovlutit, kingormgutijaksaniglo asserortaumajunik aitortuilerᴋovlutit.

Jesaiase 52:7

Kuvianartoᴋsôvut illa ᴋaᴋᴋane oᴋalloriktut ittigangit, ullapirsaumik oᴋâlajut, ajungitomiglo oᴋautjijut, piulijaunermiglo oᴋâlajut, Zionemullo oᴋartut: Gûdit attaniolerivoᴋ!

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Mâlaki 1:14

Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Apostelit Piniarningit 17:31

Uvlormik taisimalaurame, silaksoarmiunik idluarsaivlune erᴋartuijomârvingminik angutikut piniarᴋojamigut, ilûnaita okpertitsomavlugit, toᴋungajunit tupaktinamiuk.

Galâtsiamiunut 1:16

Ernine saᴋᴋertitsomavlugo ilumne, oᴋautsinut tussarnertunut oᴋâlajuksauᴋovlunga tâpsominga nelojut akorngane; erinesuklunga tagva pivunga, uvinik auglo issumaksarsioᴋatiginagik.

Kolossamiunut 2:7

Amâtsiortaulerluselo igloliangomaleritse tâpsomane, okpernerme aulajungnangerdluse, sorlo ajoᴋertortaumagapse, angijomiglo tamattominga ᴋujalivigitse.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.