Imgerut 94:7 - Labrador Inuttitut Heritage Bible

⁷ Oᴋarlutiglo: Nâlekab takkolungilâ, Jakoblo Gûdingata kamagingilâ.

Imgerut 94:7 Iomraidhean Croise

Imgerut 59:7

Ahâk oᴋagallakput ᴋanneᴋadlarlutik; saviksoaᴋarpok kangasinângine: kiale tussaralloarᴋaûk?

Jesaiase 29:15

Kappianarmêk angigutsinasuartut kajusimanermingnik Nâlekamut piniarnermingniglo saᴋᴋertitsilungitut oᴋarlutiglo: Kia takkovâtigut? kialo illitarivâtigut?

Jesaiase 47:10

Pingijaitoᴋsônit tattigivat issumaᴋarlutit: Takunârtoᴋangilaᴋ uvamnik. Illisimanivit sillatunivillo uivêringmattit, õmatikkut oᴋarpotit: Uvangauvunga, uvaptut-itoᴋangilaᴋ.

Hesekiel 8:12

Oᴋautivângalo: Inûb erninga, takovêt Israêlib ᴋitorngangita angajoᴋângita piniarnerijanginik tâᴋtomê, ilûnatik atunit inimingne adsingoatalingmê? oᴋarmatta, Nâlekab tautulungilâtigut; Nâlekab nuna ᴋemakpâ.

Hesekiel 9:9

Oᴋautivângalo: Israêlib Judablo ᴋitorngangita idluituliningit angijoᴋsôvut, nunalo ulipkidlarpoᴋ aungmik, iglugasaksuillo tatadlarput mumiksinermik idluarsainermik; oᴋarmatta: Nâlekab nuna ᴋemakpâ, Nâlegaᴋ takolungilaᴋ.

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.