Imgerut 91:3 - Labrador Inuttitut Heritage Bible

³ Tâpsoma piulingmattit ômajoksiortib aklunânganit, nussilinartomillo ᴋanoênartomit.

Imgerut 91:3 Iomraidhean Croise

II Samuel 24:15

Taimak Nalegak nusilingnartomik tikkitoᴋarᴋojivok Israelitinut, uvlâmit nalliutok tamna taijaumajok tikkidlugo, innugiartoksoarnit Danemit Berseba tikkilugo angutit 70,000 dit toᴋᴋolermatta.

I Atannit 8:37

Kâkalerangat, nusilinartoᴋalerangallonêt, perortullonêt ᴋakᴋojaksat ᴋernersilerangatta, piglertaujartoᴋalerangallonêt nerrijoksoarnik, omigijingitalonêt nuname ittertarvingit illumarangagit, pagvinartoᴋalerangallonêt, ᴋannimaseᴋalerangallonêt, nellianik;

Imgerut 124:7

Tarnivut anigoimavut, sorlo tingmiab nigartortib niganganit; nigak kiktorarsimavak uvagullo piulijaumavogut.

Imgerut 141:9

Sapputilaunga aklunâmit tâpkoa illilauktanganit pivlunga, idluitullijullo niganginnit.

Imgerut 68:21

Gûdible ômigijime niaᴋungit egilugit serᴋomitsomârpait, tâpkoa ᴋabsingit, agvertaranertut passijaksaunermingne.

Imgerut 91:6

Nussilingnartomik tâktome terrêsartomik; nunalungnermik uvlub ᴋetterarningane asserorterijomik.

Salomob Okâl 6:5

Piuligit ilingnik tuktungajojartotut omajoksiortib agganginnit, tingmiatullo nigartortib agganginnit.

Salomob Okâl 7:23

Karkjumut tingunga koppijauᴋârtinago, sôrlo tingmiak tuavidlarmat nigarmut, nellovlunelo ômaneᴋarungnaititauniarnerminik.

Okaluktok 9:12

Inubtauk nelliunine ᴋaujimangilâ; sôrlole mingeritjat angujaungmatta nullutjanut asserornartunut, tingmitjallo aklunânut: taimâk inuit ᴋitorngangit nigartortaugivut nelliutome idluitome, tagvainak tupvigikpagit.

Hosea 9:8

Efraimib Gude terliarasuarpâ; nelautaijoᴋ tingmiarniartib nigangatut ipoᴋ apᴋotingine tamaine, ômisungnerlo gudingata iglunganêpoᴋ.

Amos 3:5

Tingmiak nigaktitaujungnarᴋâ nuname, nigarniuteᴋangipat atuinaujomik tâpsomungâ? Nigarniut ᴋangatarniarᴋâ nunamit nigartitsingikunê?

I Timôteusemut 6:9

Akluitsomajulle ôktortaulungnermut nikkanullo katangniarput, unuktunullo silainartunut asserornartunullo kajungilârnernut; taimaitut inuit kivitipait kappianartomut erᴋartortaunermullo.

II Timôteusemut 2:26

Amalo tupalerniarmangâta Sâtanasib niganganit; tâpsomunga napersimagamik, pijomajanganik piniartuksauvlutik.