Imgerut 90:8 - Labrador Inuttitut Heritage Bible

⁸ Uvluvut tamaita nungulermatta ningarnît pivlugo. Jârivut nâvavut oᴋâlagallânektitut.

Imgerut 90:8 Iomraidhean Croise

Hiobe 10:14

Idluitûllijarangama, tagva igvit ᴋaujisarparma tamattominga, idluitullinikkalo pitlartautailitilungilettit.

Hiobe 34:21

Tâpsoma ijikita ilûnatik attunnît apᴋosiningit takkonârmagit, ablorningillo ilûnaita tautukpait.

Imgerut 10:11

Omâmigut oᴋarpok: Gûdib puigorpâ, kênane ijerpâ, takkoniangitsainarpâ.

Imgerut 109:15

Nâlekab ijîngme sângangnêtitsainarligit, tâpkoalo erᴋaumajauningat pêjarlerliuk nunamit.

Imgerut 19:12

Kina tammarnime unnurninginik ᴋaujimava? Issumagijungnaivigilaunga tammarnimnit ᴋaujimangitamnit.

Imgerut 50:21

Taimailiorpotit, uvangalo niplingilanga; tagva illiktuninasugivarma. Kissianele pitlaromavagit, pititsomavara ijikpît sângangnut.

Imgerut 80:16

Ikkomamut ikkitaumavok, ullimârtaumavlunelo asserortauvok; kênavit suarninganut nungulerput.

Salomob Okâl 5:21

Ilûnâmasiatik atunît apᴋotingit Nâlekab ijikita sangangnêput, ainingillo tamaita nautsertorpait.

Okaluktok 12:14

Gûdib piniarnerit tamaita pititsomârmagit Erᴋartuivingmut, tamaita illaliudlugit sagvarsimangitut, idluarmangâta idluimangâtalonêt.

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 2:22

Ubvaralloaruville ilingnik ergortûmut, ubvaumiglo angijomik atoralloaruvit, idluitoᴋsônît saᴋijâdlarpoᴋ sulle sâmne, Nâlagaᴋ Gude oᴋarpoᴋ.

Jeremia 23:24

Inuk ijertorviksarsijungnarᴋâ uvanga takonianginapkô? oᴋarpoᴋ Nâlagaᴋ. Nâjimalungilangâ ᴋilangmik nunamiglô? oᴋarpoᴋ Nâlagaᴋ.

Hesekiel 8:12

Oᴋautivângalo: Inûb erninga, takovêt Israêlib ᴋitorngangita angajoᴋângita piniarnerijanginik tâᴋtomê, ilûnatik atunit inimingne adsingoatalingmê? oᴋarmatta, Nâlekab tautulungilâtigut; Nâlekab nuna ᴋemakpâ.

Leviticus 4:23

Ajorningalo piniarnerijanga nalonaijartaukpat tâpsomunga, ᴋaitsijuksauvok tunergutiksamik tuktungajomik angusâlormik ᴋanoêtoᴋangitomik;

Leviticus 4:28

Ajorningalo piniarnerijanga nalonaijartaukpat tâpsomunga, ᴋaitsijuksauvok tunergutiksamik tuktungajomik arnarmik ᴋanoêtoᴋangitomik, ajornine piniarnerijane pivlugo.

Rômiunut 2:16

Uvluksame taipsomane, Gûdib inuit angigutsiningit erᴋartoromârpagit Jêsuse Kristusikut, oᴋautsit tussarnertut oᴋâlatigijakka maliklugit.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

I Johannesib 3:20

Omatipta erᴋartorpatigut, Gûde anginisaungmat ômatiptingnit, tamaitalo ᴋaujimavait.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.