Imgerut 89:3 - Labrador Inuttitut Heritage Bible

³ Anerijara angerᴋattigilaukpara; Davide kivgara angermarilaukpara:

Imgerut 89:3 Iomraidhean Croise

II Samuel 23:5

Igluga taimailingalungigalloarmat Gudeme, angernermigle tunnitsivigilaukpânga soraijuitomik, aᴋiksoijomik tamainik, soᴋᴋosijuitomiglo, piulijaujutigijamniglo tamât, tussugijamniglo, sulle perorsaᴋolungigalloarmago.

II Samuel 3:9

Gudib Abner imâglo, imâglo pinniarvigiliuk, pinniarlungikuma, sorlo Nalekab Davide oᴋautimarilaungmago,

I Atannit 8:16

Uvlormit taipsomanemit inuᴋotimnik Israelitinik aulartitsivigilauktamnit Egiptenemit, iglugasaksuit nellianik annerosulaungilanga Israelib kinguvarêngita nellianit, iglo igloliortauᴋovlugo pivlunga, atera tagvanêᴋovlugo; Davidele annerilaukpara angajoᴋauᴋovlugo inuᴋotimnut Israelitinut.

Imgerut 132:11

Nâlekab Davide soᴋᴋoserungnangitomik angervigilaukpâ, tamanna allarniangilâ: Iksivautaᴋotingnut ingititsijomavunga timivît kinguvâksanganik.

Imgerut 78:70

Annerilaukpâlo kivgane Davide, tiguvâlo saukat iglunginnit.

Imgerut 89:19

Taipsomane takkotitjutikut oᴋalaukpotit ivsornaitoᴋotingnut oᴋalutillo: Ikajornermik pititsilaukpunga sôngojomut; annerimajok angijorortipara inugasaksoarnit.

Imgerut 89:28

Saimarvêᴋarnera tâpsominga soᴋᴋosijuitsainarᴋojomavara issoᴋangitomut, angerneralo aulajuitsainartuksauvok tâpsomunga.

Imgerut 89:39

Kivgavît angervioninga attornarungnaitipat, niaᴋotingalo, ivsornaijungnaitilaukpat eginermut nunamut.

Jesaiase 42:1

Ahak, tagga kivgara serngnigijara, anerijara, tarnima kuviagijanga. Anernera tunivara tâpsomunga, erᴋartuijutiksanik âtsijomârpoᴋ nallojunut.

Jesaiase 55:3

Siutise mannivlugit ᴋaititse uvamnut, tussaleritse, tarnise tagva ômajomârput, angervigijomârpapselo issoᴋangitomut illingajuksanik, saimanartunik pilliutigijamnik Dâvidemut soraijuitomik.

Jeremia 30:9

Kivgartulârpullo Nâlakamik Gudemingnik, atanerijamingniglo Dâvidemik, makititsomârtamnik tâpkonunga.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Mattêuse 3:17

Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.

Apostelit Piniarningit 2:30

Nalautaijôgame, nalunginamelo, Gûdib sokosijuitomik angervigilaungmago: uviningmit kinguvâksanga (Kristuse) makitsomavlugo, iksivautaksoanganullo iksivaᴋojomavlugo;

Ebrêerinut 7:21

Taimnale ajoᴋertuijôtitaulerpoᴋ angermaringnermik illautitsijomut, oᴋarvigijiminut imâk: Nâlegaᴋ oᴋarmariklune ᴋaᴋialerutiginiangitaminik oᴋarpoᴋ, issoᴋangitomut ajoᴋertuijôvotit Melᴋisêdeub ilinganingatut;

Idluarsaijut 2:1

Nâlekable Engelinga ᴋailaukpok takpaunga Gilgalemit Bochimemut, oᴋarlunelo: Tesiorlaukpapse takpaunga Egiptenemit, tikkiutiluselo nunamut atâtagijapsingnut angerutigilauktamnut, oᴋalaukpungalo: angernera illipsingnut soᴋosertitsomanginapko isoᴋangitomut: