Imgerut 86:5 - Labrador Inuttitut Heritage Bible

⁵ Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

Imgerut 86:5 Iomraidhean Croise

Nehemia 9:17

ᴋunulaukpullo tussarnermik, tattamnartullinitillo pinniarlauktattit erᴋarlaungilait, tettitosarlaukput angajoᴋâᴋartitsivullo ingmingnut utteromamut kivgaunermingnut keppeserlutik. Igville Gûdiga issumagijungnainilaukpotit, saimarviᴋalaukpotit, napkigosuklutillo, ᴋenuêdlalarpillo, napᴋoartoksôlaukpotit, ᴋemalaungilaillo.

Imgerut 103:3

Issumagijungnainiktok ajornernik tamainik; inûliklertorlo ᴋannoênernik tamainik;

Imgerut 103:8

Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

Imgerut 119:68

Igvit pitsiarpotit illanâᴋarlutillo, ajochertulaunga idluarijarnik.

Imgerut 130:4

Illingne issumagijaujungnaineᴋarmat, sivôragijauᴋovlutit.

Imgerut 130:7

Israelitit Nâlegak nerriugilitsuk; Nâlekame saimarveᴋarmat, piulijauneᴋarlunelo angijomik tâpsomane.

Imgerut 145:18

Nâlegak ᴋannipok illûnainut nipliavigijiminut, illûnainut illungertorlutik nipliajunnut tâpsomunga.

Imgerut 25:8

Nâlegak ajungitôvok, idluitailijôlunelo, tamanna pivlugo ajortuggit ajochertorpait apᴋosinerme.

Imgerut 36:7

Pitsiarnît ila ivlernartoksôvok Gude, Inuit ᴋittorngangit esarokpît tachaliningane inilangangmatta!

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 52:1

Sog tattitosârᴋît, attaneâlôjotit, pijaksaungitoâlungmik piniarungnaravit; Gûdib pitsiarninga soraijuitsainaralloartillugo?

Imgerut 69:14

Piulilaunga aᴋᴋilupingmit, kiverᴋonanga; piulijauᴋovlunga illulugvigijimnit, imânillo ittijomit.

Imgerut 69:16

Tussalaunga Nâlegak, pitsiarnît mannigornarmat; sâviginga nâpkiningnersoarnît malliklugo.

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Exodus 34:6

Nâlegarlo ᴋângerpok sânganut, oᴋâlavorlo: Nâlegak, Nâlegak, Gûde, nâpkigosuktok saimajorlo, kamangitsertortok nagligosuktoksôjorlo, nalâgôrtoksôjorlo,

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jeremia 33:3

Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.

Hesekiel 36:33

Imâk oᴋarpoᴋ Nâlegaᴋ Nâlegaujoᴋ: uvlorme tâpsomane epᴋêjarupse idluinipsingnit, iglugasaksuit inuktaᴋartitsomârpakka, sunaᴋarungnaitullo igloliorviolârput.

Hesekiel 36:37

Imâk oᴋarpoᴋ Nâlegaᴋ Nâlegaujoᴋ: Mattominga sulle ᴋenuviojomârpunga Israêlib ᴋitornganginut, taimailiorvigivlugit piᴋovlunga; inungit unuksititsomârpakka sorlo saukat.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Joel 2:13

Omatiselo aliksigik annorâse pinagit, sâgiaritselo Nâlekamut Gudipsingnut; tâmna saimarosudlarmat, ilapsugosuktoᴋsôvlunelo, ningarsarailungitoᴋ, nâpkiniktoᴋsôvlunelo, ajortomiglo anusingorsarpoᴋ.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Apostelit Piniarningit 2:21

Imaitsomârpok: Nâlekab atinga tailugo tuksiartoᴋ piulijaujomârpok.

Efêsusemiunut 2:4

Gûdible nâpkininingnermik akluitub naglingnersoarminut nagligilauramitigut,