Imgerut 83:10 - Labrador Inuttitut Heritage Bible

¹⁰ Nungutaulauktut Endoreme allorlungorlutiglo nuname.

Imgerut 83:10 Iomraidhean Croise

II Atannit 9:37

Isebeliblo timinga toᴋungajok perorsaijotut natername, nallajuksauvok perorsêvingme Jesreelemetome; oᴋarungnartoᴋarkonago: tagva Isebele.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Sefania 1:17

Inuillo tikitautitsomârpakka kapiasungnersoarmut, arvertarᴋovlugit tautungitutitut, Nâlegak idluitulivigingmatsuk; aungillo kovijaulârput imeᴋtut, uviningillo aktarniluᴋotitut.

Josua 17:11

Taimak Manassekut peᴋalaukput Isascharekut Asserekullo akkorngane Beth-Seanemik iglugasanginiglo, Iblaamik iglugasanginiglo, Doremetuniglo iglugasanginiglo, Endoremetuniglo iglugasanginiglo, Taanachemetuniglo iglugasanginiglo, Megiddometuniglo iglugasanginiglo, Nafetiblo pingajuanik.

Idluarsaijut 4:15

Nâlekable Sissera kavaksartipa, aksalloalikotingit ilûnaita, sorsuktuksoaᴋotingillo ilûnaita illaliudlugit, Barakib saviksoangata kênanganut, Sissera niungmat Aksalloaliᴋotiminit ᴋemâlunelo pisuklune.

Idluarsaijut 4:16

Barakible aksalloaggit, sorsuktuksoaᴋattigêllo udlapait, nallojut Harosetingat tikkilugo. Sisserablo sorsuktuksoaᴋotingit ilûnaita ochovut saviksub kênanganut amiakoᴋaratik atautsemiglonêt.

Idluarsaijut 5:21

Kôb Kisonib aksakatilaukpait, kôb Kaduminib, kôb Kisonib. Tarnik, songojut tuttidlarkit.

Idluarsaijut 7:25

Angusilutiglo Midianiterit angajoᴋaksoanginit Maggûngnik, Orebemik Sebemiglo, Orebelo toᴋopât Orebib ᴋairtungane, Sebelo, Sebib iptêjaivingane (Weinemik); Midianiterillo ᴋemâtipait. Orebiblo Sebiblo niaᴋogik âpakit Gideonemut Jordanib akkianut.

I Samuel 28:7

Tagva Saule kivgaminut oᴋarpok: Kenneritse arnamik annernelingmik nallautaijungnartomik, aiᴋovlunga taipsomunga, apperilugolo. Kivgangillo oᴋarput tapsomunga, âhak Endoreme arnaᴋarpok annernelingmik nallautaijungnartomik.