Imgerut 82:3 - Labrador Inuttitut Heritage Bible

³ Aklujok illiârsuglo idluarnermik saᴋᴋêvigissigik, ajulertorlo pêtorlo ikajorsigik idluarnermik perᴋovlugit.

Imgerut 82:3 Iomraidhean Croise

Hiobe 29:12

Ajulertok avâlajok piulilaurapᴋo, illiârsuglo Ikajorteᴋalaungitok.

Hiobe 31:21

Aggakka aulalaukpakka illiarsuk akkerartorlugo, itterviksoarme illilertortaunasugilaurama?

Imgerut 10:18

Illiârsuk aklujorlo idluarnermik sakᴋêvigigangne, innuk tattitosarungnaiᴋovlugo nuname.

Exodus 23:3

Inuglo aklujok nertoraksarilungilat akkerartorninga pivlugo.

Exodus 23:6

Idluarnek sangutitaksarilungilat patangajomit erᴋartortaulertilugo.

Salomob Okâl 31:9

Kannît angmaruk erᴋartuilerillo idluartomik, pattangajut aklujullo akkiniarutigilugit pagvisartinginnut.

Jesaiase 1:17

Ajungitullileritse idluarsaineᴋ pinasuarlugo, pimmariutertut inerterlugit, illiarsuit serngnigivlugit uigarnerillo illinganingine ikajorlugit.

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 22:16

Idluarsailauᴋpoᴋ aklujut ajoᴋsartullo pitjutinginik; ᴋanoengitsialauᴋporlo. Tamanna ilitarᴋsiniolungilâᴋ uvamnîk? Nâlagaᴋ oᴋarpoᴋ.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Saggaria 7:9

Imâk Nâlegak Zebaot oᴋarpok: Idluartomik erᴋartuileritse, ilûnapselo atunit ᴋatangutise unertutjivigisigik nâpkiningnermik ilapsugosungnermiglo;

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

Deuteronomy 24:17

Takorngartab iliarsûblônêt idluarsartauniksanga mumigaksarilungilat; uigarnerublo annorânga tigujaksarilungilat nelunaikutaksautilugo.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.