Imgerut 80:15 - Labrador Inuttitut Heritage Bible

¹⁵ Weineliksak aggakpît tallerpikpît illilauktanga, ernerlo soᴋᴋosijuitomik anerilauktât.

Imgerut 80:15 Iomraidhean Croise

Imgerut 80:8

Nappârtok Weineliksak ailaukpat Egiptenemit, nallojut aulartilaukpâttit, tâmnalo illilaukpat.

Imgerut 89:21

Aggakka soᴋᴋosijuilutik tâpsomanêtuksauvut tallermalo pitsartutitaksarivâ.

Imgerut 90:13

Uvlarârsukut namaksititigut saimarveᴋarnernik, nakorsarungnarᴋovluta ᴋuviasugungnarᴋovlutalo inôtsivut nâlugit.

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 49:5

Mãnalo oᴋarpoᴋ Nâlegaᴋ nutaraunimnit pijoᴋ uvamnik kivgarijomavlunga, Jâkokkunik sâgiartitserᴋovlugo tâpsomunga, Israêlitillo kattersortaurᴋovlugit — taimaidlungalo nertornarpunga Nâlekab sângane, Gûdigalo pitsartutigivara —

Jesaiase 63:15

Takosâlaurittôᴋ mãna ᴋilangmit, takonâlaurittôᴋ iglungnit ivsornaitoᴋsoarmit pinarnartomillo! Illungertornit pitsartunillo nanẽᴋâk? Illuvit illapsugosungninga nâpkigosungnillo saᴋᴋijâlungilak uvamnut.

Jeremia 2:21

Uvangale ililauᴋpagit napârtôᴋovlutit vaineliksaᴋ idluartoᴋ, karngasûteoᴋovlutit nâmamariktoᴋ; ᴋanoᴋ tagva ablatsângorsimanerᴋêt, perornerluktungorlutit vaineliksamik takorngartamik uvamnût?

Jeremiab Ogguarutigijangit 3:50

Nâlegak takosarᴋârtinago tautuᴋârtinagolo ᴋilangmit.

Saggaria 3:8

Nâlagit, Josua ajoᴋertuijersoangojotit, igvit ilatillo sângne iksivajut; angutaungmatta tâpkoa kigligiutjijut: tagva ahâk, kivgara akkerôjoᴋ tikiutitsomârpara.

Saggaria 6:12

Oᴋarvigiuglo imâk: Imâk oᴋarpok Nâlegak Zebaot: Ahâk, angut Nuitajomik atelik; nuitalârporlo iniminit igloliorlunelo Nâlekab katimaviksoanganik;

Markuse 12:1

Adsiujuniglo oᴋarvigilerpait: Anguteᴋalauᴋpoᴋ perorsêviliortomik, vainiliksanik ilijivlune, avatâlo avaluliudlarlugo; paungallo iptêjartauviksanganik sanalaurivoᴋ, nuvuguseᴋsoaliorivorlo; perorsêvilerijunullo pimajauᴋogamiuk, nuname asianut aularpoᴋ.

Johannese 15:1

Uvanga napârtôvunga vaineliksak idluartok, Atâtagalo vaineliksatalingmik perorsêvilerijôvok.

Deuteronomy 26:15

Inigijarnit ivsornaitomit, ᴋilangmit, takosalaurit, saimarsarkillo inuᴋotitit Israêlikut, nunalo tunijat uvaptingnut, sorlo saglungimariklutit oᴋalauravit atâtagijaptingnut, nuna kôᴋartok imungmik igupsaujârtullo orᴋsuanik.